- Jwale Morena Modimo a re: “Hase hantle hore motho a be inotshi; ke tla mo etsetsa molekane ya mo thusang.”
- Tloong,
a re itiheleng maotong a hae,
re itihele ka hlompho,
re weng ka mangwele
kapele ho Morena,
Morena, Mmopi wa rona. - Rona re na le Modimo a le mong e leng Ntate. Ke yena eo dintho tsohle di tswang ho yena, eo re mo phelelang. Hape re na le Morena a le mong, e leng Jesu Kreste. Ke yena eo dintho tsohle di entsweng ka yena, eo re phelang ka yena.
- Hopola Mmopi wa hao
o sa le motjha,
matsatsi a ditsietsi a eso ka a fihla,
ho eso tle dilemo
tseo ka tsona o tla re:
“Ha ke sa thabiswa
ke letho ho tsona!” - Ka lehopo leo Morena Modimo a le ntshitseng ho motho, a bopa mosadi, a mo tlisa ho motho.
Yaba motho o re:
“Enwa ke lesapo la masapo a ka,
le nama ya nama ya ka;
o tla bitswa Mosadi,
hobane a ntshitswe ho Monna.”
Ka baka lena, monna o tla tlohela ntatae le mmae, a matahane le mosadi wa hae, mme ba tla fetoha ntho e le nngwe. - Modimo a re: “Lesedi le be teng!” Yaba lesedi le ba teng.
- Modimo a ba hlohonolofatsa, a re ho bona: “Atang, le ngatafale, le tlale lefatshe, le rene hodima lona; le laole ditlhapi tsa lewatle, le dinonyana tse fofang, le tsohle tse tsamayang hodima lefatshe.”
- Morena Modimo a re: “Bonang, motho o se a tshwana le e mong wa rona, ka ho tseba botle le bobe! Jwale a se tshohe a otlolla letsoho la hae, a kgola le sona sefate sa bophelo, a eja, mme a phela kamehla yohle!” Yaba Morena Modimo o mo ntsha serapeng sa Edene, hore a yo lema mobu oo a ntshitsweng ho wona.
- A araba, a re: “Na ha le eso bale hore tshimolohong Mmopi ‘o ile a etsa e motona le e motshehadi?’ Mme a re: ‘Ka baka lena monna o tla tlohela ntatae le mmae, a matahane le mosadi wa hae, mme ba babedi bao ba tla fetoha ntho e le nngwe.’ Kahoo ha ba sa le ba babedi, e se e le ntho e le nngwe. Seo Modimo a se kopantseng se se ke sa arohanngwa ke motho.”
- Leha ho le jwalo, Morena,
wena o ntata rona;
rona re letsopa, wena o sebopi,
bohle re mosebetsi
wa matsoho a hao.
Dihlogotaba tša go tswalana
Bophelo
Morena o tla o...
Modimo
Morena Modimo wa hao...
Legodimo
Mohla ho hlahang taelo...
Kwešišo
Ipiletse ho nna, mme...
Bobotse
Moratuwa, botle ba hao...
Go direla/hlankela
Oho, Morena, ke wena...
Temana ya Bibele ya lehono
Polelo tse monatedi ka mahe a dinotshi,
moyeng di a hlabosa,
di matlafatse mmele.