1 kaPetru 3

ZUL59

Ukuhloba kwenu makungabi ngokungaphandle, okokwaluka izinwele, nokokufaka igolide, noma okokugqoka izingubo, kepha makube ngumuntu osithekileyo wenhliziyo ohloba ngokungabhubhiyo komoya omnene onokuthula, okuyigugu phambi kukaNkulunkulu.
1 kaPetru 3:3-4 ukuthobeka ubuhle inhliziyo
Kanjalo, madoda, hlalani nabo ngokokwazi, njengalokhu owesifazane eyisitsha esibuthakathaka, nibanike udumo, lokhu beyizindlalifa zomusa wokuphila kanye nani, ukuze imikhuleko yenu ingathiywa.
1 kaPetru 3:7 umshado umkhuleko umusa
Okokugcina, manibe nhliziyonye nonke, nihawukelane, nithandane ngokwabazalwane, nibe nobubele nokuthobeka.
1 kaPetru 3:8 ukuthobeka umphakathi umakhelwane
Ningaphindisi okubi ngokubi nokuthuka ngokuthuka, kepha kakhulu manibusise, ngokuba nabizelwa lokho ukuba nidle ifa lokubusiswa.
1 kaPetru 3:9 ukukhuluma isibusiso ubizo
Ngokuba osuka ethanda ukuphila
nokubona izinsuku ezinhle,
makanqande ulimi lwakhe kokubi,
nezindebe zakhe zingakhulumi inkohliso,
adede ebubini, enze okuhle,
afune ukuthula, akujonge.
1 kaPetru 3:10-11 uthando ukuthula ukuphila
Ngokuba amehlo eNkosi aphezu kwabalungileyo,
izindlebe zayo zisekunxuseni kwabo,
kepha ubuso beNkosi buphezu kwabenza okubi.
1 kaPetru 3:12 ukulunga umkhuleko ukulalela
Pho, ubani onganilimaza, uma nishisekela okuhle na?
1 kaPetru 3:13 okuhle okubi umsebenzi
Kepha noma nihlupheka ngenxa yokulunga, nibusisiwe. Ningesabi ukwesabisa kwabo, ningakhathazeki.
1 kaPetru 3:14 ukulunga inhlupheko uvalo
Kepha mngcweliseni uKristu abe yiNkosi ezinhliziyweni zenu, nihlale ningabalungele ukubaphendula bonke abanibuza isizathu sethemba elikini.
1 kaPetru 3:15 ukuvangela UJesu ngiyethemba
Enisindiswa ngawo manje nani ngokomfanekiso, okungukuthi ngombhapathizo, kungesikho ukususa insila yenyama kepha ukucela kuNkulunkulu unembeza omuhle, ngokuvuka kukaJesu Kristu.
1 kaPetru 3:21 ukubhapathizwa insindiso ukuhlanzwa