1 kaPetru

Niphonse izinkathazo zenu zonke phezu kwakhe, ngokuba uyanikhathalela.
1 kaPetru 5:7 uvalo ukukhathazeka ubuthakathaka
Kunakho konke yibani nokuthandana okunganqamukiyo, ngokuba uthando lusibekela inqwaba yezono.
1 kaPetru 4:8 isibi uthando umakhelwane
Okokugcina, manibe nhliziyonye nonke, nihawukelane, nithandane ngokwabazalwane, nibe nobubele nokuthobeka.
1 kaPetru 3:8 ukuthobeka umphakathi umakhelwane
Enimthanda ningambonanga, enithi ningamboni manje nikholwa nguye, nithokoza ngentokozo engakhulumekiyo netusekayo, namukela isigcino sokukholwa kwenu esiyinsindiso yemiphefumulo.
1 kaPetru 1:8-9 inkolo injabulo insindiso
Yena owathwala izono zethu emzimbeni wakhe emthini, ukuze kuthi sesifile ezonweni siphile ekulungeni, oyena imivimbo yakhe naphulukiswa ngayo.
1 kaPetru 2:24 isibi ukulunga ukuphulukisa
Ukuhloba kwenu makungabi ngokungaphandle, okokwaluka izinwele, nokokufaka igolide, noma okokugqoka izingubo, kepha makube ngumuntu osithekileyo wenhliziyo ohloba ngokungabhubhiyo komoya omnene onokuthula, okuyigugu phambi kukaNkulunkulu.
1 kaPetru 3:3-4 ukuthobeka ubuhle inhliziyo
Kepha ukuphela kwezinto zonke sekusondele. Ngakho zikhuzeni, nizithibe, ukuze nikhuleke.
1 kaPetru 4:7 ukuza kwesibili ukuphela kwesikhathi ukuphumula
Kepha uNkulunkulu womusa wonke owanibizela enkazimulweni yakhe yaphakade ngoKristu, senihluphekile isikhashana, yena uqobo uyakuniphelelisa, aniqinise, aninike amandla, anisekele.
1 kaPetru 5:10 umusa ukuphila okungunaphakade inhlupheko
Kodwa njengowanibizayo engcwele, manibe ngcwele nani ekuhambeni konke, ngokuba kulotshiwe ukuthi: “Manibe ngcwele, ngokuba mina ngingcwele.”
1 kaPetru 1:15-16 ubungcwele ukuphila ubizo
Ningaphindisi okubi ngokubi nokuthuka ngokuthuka, kepha kakhulu manibusise, ngokuba nabizelwa lokho ukuba nidle ifa lokubusiswa.
1 kaPetru 3:9 ukukhuluma isibusiso ubizo