- Die dwaas het geen behae in verstandigheid nie,
maar net daarin dat sy hart openbaar word. - Die lippe van die dwaas kom met getwis,
en sy mond roep na slae. - Die woorde van die kwaadstoker is soos lekkernye,
en dit gly af na die kamers van die binneste. - Die Naam van die Here is 'n sterk toring;
die regverdige hardloop daarin en word beskut. - Die goed van die ryke is sy sterk stad
en soos 'n steil muur in sy verbeelding. - Voor die verbreking is die mens se hart hoogmoedig,
maar nederigheid gaan aan die eer vooraf. - Die geskenk van iemand maak vir hom ruimte
en bring hom in die teenwoordigheid van die aansienlikes. - Dood en lewe is in die mag van die tong;
en elkeen wat dit graag gebruik, sal die vrug daarvan eet. - Wie 'n vrou gevind het, het iets goeds gevind
en 'n welgevalle van die Here verkry. - 'n Man met baie vriende word geruïneer,
maar daar is 'n vriend wat sterker aanhang as 'n broer.
Bybelvers van die dag
Soek wat goed is, en nie wat sleg is nie,sodat julle kan lewe
en die Here, die God van die leërskare,
só met julle kan wees soos julle sê.