- Umntu osisiyatha akanamdla wakuqonda nto –
nto angxamele ukuyenza kukuvakalisa ezakhe iimbono. - Ukuthetha komntu osisiyatha kuzala ingxwaba-ngxwaba;
amazwi akhe ambizela ukubethwa. - Amazwi entlebendwane ayanambitheka;
ahla kamnandi athi ngcoo embilinini. - UNdikhoyo ngumqolomba:
bazimela kuye abalungisayo, basinde. - Izinhanha zicinga ukuba ubutyebi yinqaba yazo;
kuzo ngathi buludonga oluphakamileyo lokuzifihla. - Ikratshi lomntu lilandelwa yintshabalalo;
ke lona udumo lukhokelwa yintobeko. - Xa ufuna ukuviwa ngabo basemagunyeni
phatha umngena-ndlwini xa uya kubo. - Ukuthetha komntu kulawula ukuphila nokufa;
ke othetha kakhulu uvuna iziqhamo zaloo nto. - Umntu ofumene umfazi uzuze okulungileyo;
ewe, ufumene okukholekileyo kuNdikhoyo. - Iitshomi ezininzi ziyamvuthulula umntu;
kanti ke sikho sona isihlobo esithembekayo kunomntakwenu.
Izihloko ezinxulumeneyo
Ukuthetha
Ukuthetha komntu kulawula ukuphila...
Ubulumko
Kaloku nguNdikhoyo onika ubulumko...
Intsikelelo
Wanga angakuthi jize ngamathamsanqa...
Ukuzingca
Musani ukusunduzana. Izinto sanukuzenza...
Ukuhleba
Umntu onobugwenxa udala ingxabano...
uThixo
UNdikhoyo uThixo wakho unawe...
Ivesi yeBhayibhile yosuku
Kungoko ke athe uThixo wamphakamisa kakhulu,wamthi jize ngelona gama lingaphezu kwawo onke amanye amagama,
ukuze bonke abaphilayo,
ezulwini, emhlabeni, naphantsi komhlaba,
bagobe amadolo benika imbeko kwigama likaYesu.
Ivesi yeBhayibhile engaqhelekanga
Ewe, Ndikhoyo, bobakho bonke ubukhulu ndawonye namandla;naso isidima sikwasesakho, ubungangamsha nobunewu-newu.
Kaloku zezakho zonke ezisezulwini,
kanti nezisemhlabeni ikwazezakho.
Ewe, Ndikhoyo, lolwakho ulawulo;
uyingqanga-ngqanga evelele konke jikelele.Ivesi elandelayo!