Ditemana tša Bibele tša go bolela ka Tshepo
- Tshepa Morena
ka pelo ya hao yohle,
o se ke wa tshepa bohlale ba hao.
Kenya Morena mererong ya hao,
mo kenye ho yona yohle,
tsela tsa hao a tla di otlolle. - Ho lehlohonolo motho
ya itshepetseng Morena,
eo tshepo ya hae
e leng yena Morena.
O tla tshwana le sefate
se lemilweng pela metsi,
seo metso ya sona
e namelang pela molatswana.
Ha se ke se tshoswa
ke ho fihla ha lebatama,
mahlaku a sona
a matalana kamehla,
ka nako ya komello
ha se ke se tshwenyeha,
kamehla se beha
ditholwana tsa sona. - Wena Ya Hodimodimo,
mohla ke tshohileng,
ke tla tshepa wena. - Bea mesebetsi ya hao
atleng tsa Morena,
mme merero ya hao
e tla phethahala. - Ha o tshela hara madiba
ke tla ba le wena;
ha o tshela dinoka
ha di ka ke tsa o nka.
Ha o tsamaya hara mollo
ha o ka ke wa tjha,
malakabe ha a ka ke a o tjhesa. - Etsa hore ke tsebe mohau wa hao,
ke o tsebe e sa le hoseng,
hobane ke o tshepile;
mpontshe tsela
eo nka tsamayang ka yona,
hobane ke o rapela
ka moya wa ka wohle. - Re ka ya ho Modimo ka sebete, hobane, ha re kopa ho hong ho ya ka thato ya hae, o a re utlwa.
- Ya phelang tshireletsong
ya Ya Hodimodimo,
ya ahileng moriting
wa Ya Matla wohle,
o re ho Morena:
“O setshabelo sa ka
le qhobosheane ya ka,
Modimo wa ka eo ke mo tshepang.” - Re phela ka tumelo, e seng ka ho mmona.
- Pholoho ya ka
e tswa ho Modimo,
le tlotla ya ka
e tswa ho yena,
ke yena lefika la ka le matla;
Modimo ke setshabelo sa ka. - A ke ke a tlohela leoto la hao,
a le tlohella ho thella,
molebedi wa hao a ke ke a otsela. - Feela a bo kope ka tumelo, a sa belaele letho, hobane ya belaelang o tshwana le leqhubu la lewatle le tsokotswang ke moya.
- Morena o haufi
le bohle ba mo rapelang,
ba mo rapelang kannete. - Tadimang dinonyana tse fofang: ha di jale, ha di kotule, ha di bokellele disiung, empa Ntata lona ya mahodimong o a di fepa; ana lona ha le di fete hole ka bohlokwa na?
- Ke ka baka leo re leng sebete ho re:
“Morena ke mothusi wa ka,
nke ke ka tshaba letho.
Motho a ka nketsang?” - Ho tshaba batho
ke ho itjhehela leraba,
empa ya tshepang Morena
o tla bolokeha. - Ipee matsohong a Morena;
o mo tshepe, ho tla sebetsa yena.
O tla etsa
hore ho loka ha hao ho kganye,
ho kganye jwaloka lesedi,
le ditokelo tsa hao
di kganye jwaloka letsatsi,
motsheare o moholo. - Ya elang ditaelo hloko o a atleha,
ya tshepang Morena
o a hlohonolofala. - Modimo wa ka o tla le sitsa ka tsohle tseo le di hlokang, ho ya ka bongata ba maruo a hae, ka Kreste Jesu.
- Nka ba le mang lehodimong
haese wena?
Ha ke ena le wena,
ha ke sa lakatsa letho lefatsheng. - Bophelo ba lona bo se ke ba buswa ke ho rata tjhelete. Le kgotsofalle seo le nang le sona, hobane Modimo ka boyena o itse:
“Ha nka ke ka o lahla,
kapa ka o furalla.” - Lebella Morena, o be sebete;
tiya pelo, o lebelle Morena. - Morena o molemo, ke setshabelo;
ke setshabelo
mohla tsatsi la ditlokotsi,
ba mo tshepang o a ba sireletsa. - Tshepa Morena, o etse botle,
o tle o iphelele lefatsheng ka kgotso. - Rona re tsebile, ebile re dumetse lerato leo Modimo a nang le lona ho rona.
Modimo ke lerato. Ya phelang leratong o phela ka ho Modimo, le Modimo o phela ka ho yena.
Dihlogotaba tša go tswalana
Tumelo
Ka baka leo, ke...
Letšhogo
O se ke wa...
Polokego
Empa Morena o a...
Tšhireletšo
Hlomelang ka dihlomo tsohle...
Pelo
Baballa pelo ya hao...
Tšhegofatšo
Morena a le hlohonolofatse...