چھڑانے والا کے بارے میں بائبل کی آیات

«»

• خُداوند تیرا خُدا جو تُجھ میں ہے قادِر ہے۔
  وُہی بچا لے گا۔
  وہ تیرے سبب سے شادمان ہو کر خُوشی کرے گا۔
  وہ اپنی مُحبّت میں مسرُور رہے گا۔
  وہ گاتے ہُوئے تیرے لِئے شادمانی کرے گا۔
  صفنیاہ 3:‏17خداخوشیگانا
• اَے خُداوند! اَے میری قُوّت! مَیں تُجھ سے مُحبّت رکھتا ہُوں۔
  خُداوند میری چٹان اور میرا قلعہ اور میرا چُھڑانے والا ہے۔
  میرا خُدا۔ میری چٹان جِس پر مَیں بھروسا رکھُّوں گا۔
  میری سِپر اور میری نجات کا سِینگ۔ میرا اُونچا بُرج۔
  زبُور 18:‏1-‏2نجاتطاقت
• جِس نے اپنے آپ کو ہمارے واسطے دے دِیا تاکہ فِدیہ ہو کر ہمیں ہر طرح کی بے دِینی سے چُھڑا لے اور پاک کر کے اپنی خاص مِلکِیّت کے لِئے ایک اَیسی اُمّت بنائے جو نیک کاموں میں سرگرم ہو۔
  طِطُس 2:‏14قربانیطہارتنیکی
• مسِیح نے ہمیں آزاد رہنے کے لِئے آزاد کِیا ہے پس قائِم رہو اور دوبارہ غُلامی کے جُوئے میں نہ جُتو۔
  گلتِیوں 5:‏1یسوعزندگینشہ
• صادِق چِلّائے اور خُداوند نے سُنا
  اور اُن کو اُن کے سب دُکھوں سے چُھڑایا
  خُداوند شِکستہ دِلوں کے نزدِیک ہے
  اور خستہ جانوں کو بچاتا ہے۔
  زبُور 34:‏17-‏18نجاتقربتاداسی
• مَیں نے تیری خطاؤں کو گھٹا کی مانِند اور تیرے
  گُناہوں کو بادل کی مانِند مِٹا ڈالا۔
  میرے پاس واپس آ جا کیونکہ مَیں نے تیرا فِدیہ دِیا ہے۔
  یسعیاہ 44:‏22گناہنجاتتبدیلی
• پس اگر بیٹا تُمہیں آزاد کرے گا تو تُم واقِعی آزاد ہو گے۔
  یُوحنّا 8:‏36یسوعآزادینشہ
• پس اب جو مسِیح یِسُوعؔ میں ہیں اُن پر سزا کا حُکم نہیں۔ کیونکہ زِندگی کے رُوح کی شرِیعت نے مسِیح یِسُوعؔ میں مُجھے گُناہ اور مَوت کی شرِیعت سے آزاد کر دِیا۔
  رُومِیوں 8:‏1-‏2قانونفیصلہسزا
• صادِق کی مُصِیبتیں بُہت ہیں
  لیکن خُداوند اُس کو اُن سب سے رہائی بخشتا ہے۔
  زبُور 34:‏19راستبازیمصائبآزادی
• مَیں خُداوند سے بُہت شادمان ہُوں گا۔
  میری جان میرے خُدا میں مسرُور ہو گی کیونکہ
  اُس نے مُجھے نجات کے کپڑے پہنائے۔
  اُس نے راست بازی کے خِلعت سے مُجھے مُلبّس
  کِیا جَیسے دُلہا سِہرے سے اپنے آپ کو
  آراستہ کرتا ہے اور دُلہن اپنے زیوروں سے اپنا سِنگار کرتی ہے۔
  یسعیاہ 61:‏10راستبازیخوشیشادی
• جب مَیں تیری مدح سرائی کرُوں گا تو میرے
  ہونٹ نہایت شادمان ہوں گے
  اور میری جان بھی جِس کا تُو نے فِدیہ دِیا ہے۔
  زبُور 71:‏23عبادتروحگانا
• میرے ایّام تیرے ہاتھ میں ہیں۔
  مُجھے میرے دُشمنوں اور ستانے والوں کے ہاتھ سے چُھڑا۔
  زبُور 31:‏15ایذا رسانینجات
• اُس کے بیٹا ہو گا اور تُو اُس کا نام یسُوؔع رکھنا کیونکہ وُہی اپنے لوگوں کو اُن کے گُناہوں سے نجات دے گا۔
  متّی 1:‏21یسوعکرسمس
• خُداوند خُدا کی رُوح مُجھ پر ہے
  کیونکہ اُس نے مُجھے مَسح کِیا تاکہ حلِیموں کو خُوش خبری سُناؤُں۔
  اُس نے مُجھے بھیجا ہے کہ شِکستہ دِلوں کو تسلّی دُوں۔
  قَیدیوں کے لِئے رہائی
  اور اسِیروں کے لِئے آزادی کا اِعلان کرُوں۔
  یسعیاہ 61:‏1جوشامیدآزادی
• اَے خُداوند! میرا توکُّل تُجھ پر ہے۔
  مُجھے کبھی شرمِندہ نہ ہونے دے۔
  اپنی صداقت کی خاطِر مُجھے رہائی دے۔
  زبُور 31:‏1راستبازیانحصار
• مگر اب گُناہ سے آزاد اور خُدا کے غُلام ہو کر تُم کو اپنا پَھل مِلا جِس سے پاکِیزگی حاصِل ہوتی ہے اور اِس کا انجام ہمیشہ کی زِندگی ہے۔
  رُومِیوں 6:‏22آزادیگناہتقدس
• اَے خُداوند سے مُحبّت رکھنے والو! بدی سے نفرت کرو۔
  وہ اپنے مُقدّسوں کی جانوں کو محفُوظ رکھتا ہے۔
  وہ اُن کو شرِیروں کے ہاتھ سے چُھڑاتا ہے۔
  زبُور 97:‏10اعتباربرائیآزادی
• اَے ہمارے نجات دینے والے خُدا! اپنے نام
  کے جلال کی خاطِر ہماری مدد کر۔
  اپنے نام کی خاطِر ہم کو چُھڑا اور ہمارے گُناہوں کا کفّارہ دے۔
  زبُور 79:‏9نجاتعبادتگناہ
• جُھوٹے ہونٹوں اور دغاباز زُبان سے
  اے خُداوند! میری جان کو چُھڑا۔
  زبُور 120:‏2بولناروحجھوٹ بولنا