Amavesi EBhayibheli ngomlutha

«»

• Konke kuvunyelwe kimi, kepha akusizi konke. Konke kuvunyelwe kimi, kepha mina anginakubuswa lutho.
  1 kwabaseKorinte 6:12izifisoukuphilaukulunga
• Anifikelwanga ukulingwa okungenjengokwabantu; kepha uNkulunkulu uthembekile, ongayikuvuma ukuba nilingwe ngokungaphezu kwamandla enu, kepha oyakuthi kanye nokulingwa anenzele indlela yokuphepha, nize nibe namandla okukuthwala.
  1 kwabaseKorinte 10:13thembekileisilingoizifiso
• Lindani, nikhuleke ukuba ningangeni ekulingweni; umoya uyavuma, kepha inyama ibuthakathaka.
  NgokukaMathewu 26:41umkhulekoisilingoizifiso
• UKristu wasikhulula ukuba sibe nenkululeko; ngakho-ke yimani niqine, ningabe nisaboshelwa ejokeni lobugqila.
  KwabaseGalathiya 5:1UJesuukuphilaumhlengi
• Ngokuba uma sihlanganisiwe kanye naye ngokufa okufananayo, siyakuba njalo nangokuvuka, sazi lokhu ukuthi umuntu wethu omdala wabethelwa kanye naye esiphambanweni, ukuze umzimba wesono wenziwe ize, singabe sisakhonza isono.
  KwabaseRoma 6:5-6isibiukuvukaubugqila
• Ngakho thobelani uNkulunkulu, kepha nimelane noSathane, khona uyakunibalekela.
  EkaJakobe 4:7ukulalela umthethoukuphephausathane
• Ngokuba umusa kaNkulunkulu wokusindisa ubonakalisiwe kubantu bonke; uyasifundisa ukuba sidele ukungakholwa nezinkanuko zezwe, sihambe ngokuqonda, nangokulunga, nangokumesaba uNkulunkulu kulesi sikhathi samanje.
  KuThithu 2:11-12umusaukulungainsindiso
• Ngokuba konke okusezweni, inkanuko yenyama, nenkanuko yamehlo, nokuzigabisa ngalokhu kuphila, akuveli kuYise, kodwa kuvela ezweni.
  1 kaJohane 2:16izifisoukuziqhenyaumhlaba
• UJesu wabaphendula wathi: “Ngiqinisile, ngiqinisile ngithi kini: Yilowo nalowo owenza isono uyisigqila sesono.”
  NgokukaJohane 8:34isibiubugqila
• Nazi ukuthi ukuvivinywa kokukholwa kwenu kuveza ukukhuthazela.
  EkaJakobe 1:3inkoloisilingo
• Kepha anazi yini ukuthi umzimba wenu uyithempeli likaMoya oNgcwele okinina, enimamukele kuNkulunkulu, nokuthi anisibo abenu na? Ngokuba nathengwa ngenani elikhulu. Ngakho-ke mbongeni uNkulunkulu emzimbeni wenu.
  1 kwabaseKorinte 6:19-20khulekelaUMoyaukuphila
• Ungasingenisi ekulingweni,
  kodwa usikhulule kokubi;
  ngokuba umbuso ungowakho,
  namandla, nenkazimulo,
  kuze kube phakade. Amen.
  NgokukaMathewu 6:13isilingoizifisookubi
• Ngakho-ke uma iNdodana inikhulula, niyakuba ngabakhululekileyo impela.
  NgokukaJohane 8:36UJesuumhlengiinkululeko
• Nina ningusawoti womhlaba, kepha uma usawoti edumele, ubusawoti bovuswa ngani na? Akasasizi lutho, kuphela ukulahlwa ngaphandle, anyathelwe ngabantu.
  NgokukaMathewu 5:13isibiukulalela umthethoukuvangela
• Khona uJesu wathi kubaJuda abase bekholiwe nguye: “Uma nimi ezwini lami, ningabafundi bami isibili; niyakulazi iqiniso, neqiniso liyakunikhulula.”
  NgokukaJohane 8:31-32iqinisoIZwi likaNkulunkuluukulandela
• Kodwa yembathani iNkosi uJesu Kristu, ninganakekeli inyama kuvuswe izinkanuko.
  KwabaseRoma 13:14izifisoUJesuumzimba