- Want Christus is die einde van die wet tot geregtigheid vir elkeen wat glo.
- En hierdie gebod het ons van Hom dat hy wat God liefhet, ook sy broeder moet liefhê.
- Want die sonde sal oor julle nie heers nie; want julle is nie onder die wet nie, maar onder die genade.
- As julle My liefhet, bewaar my gebooie.
- Wat sal ons dan sê? Is die wet sonde? Nee, stellig nie! Inteendeel, ek sou die sonde nie anders as deur die wet geken het nie; want ek sou ook die begeerlikheid nie geken het nie as die wet nie gesê het: Jy mag nie begeer nie.
- Die angel van die dood is die sonde, en die krag van die sonde is die wet.
- En onderhou die ordening van die Here jou God deur te wandel in sy weë, deur sy insettinge, sy gebooie en sy verordeninge en sy getuienisse te onderhou, soos geskrywe is in die wet van Moses, sodat jy voorspoedig kan uitvoer alles wat jy doen, en alles waartoe jy jou begewe.
- MOENIE oordeel nie, sodat julle nie geoordeel word nie.
- Want dít: Jy mag nie egbreek nie, jy mag nie doodslaan nie, jy mag nie steel nie, jy mag geen valse getuienis gee nie, jy mag nie begeer nie, en watter ander gebod ook al, word in hierdie woord saamgevat: Jy moet jou naaste liefhê soos jouself.
- Toe het Hy aan julle sy verbond verkondig wat Hy julle beveel het om te doen, die tien woorde, en dit op twee kliptafels geskrywe.
- Die wat u wet liefhet, het groot vrede,
en vir hulle is daar geen struikelblok nie. - Julle mag naas My geen silwergode maak en geen goue gode vir julle maak nie.
- Hy wat wys van hart is, neem die gebooie aan,
maar hy wat dwaas van lippe is, kom tot 'n val. - En hy wat sy gebooie bewaar, bly in Hom, en Hy in hom. En hieraan weet ons dat Hy in ons bly: aan die Gees wat Hy ons gegee het.
- Ek is vrolik in die weg van u getuienisse
soos oor allerhande rykdom. - Ons het gesondig en verkeerd gedoen en goddeloos gehandel en in opstand gekom en van u gebooie en verordeninge afgewyk.
- As julle my gebooie bewaar, sal julle in my liefde bly, net soos Ek die gebooie van my Vader bewaar en in sy liefde bly.
- Die liefde doen die naaste geen kwaad nie; daarom is die liefde die vervulling van die wet.
- Laat dit dan aan julle bekend wees, broeders, dat deur Hom vergifnis van sondes aan julle verkondig word, en dat elkeen wat glo, deur Hom geregverdig word van alles waarvan julle deur die wet van Moses nie geregverdig kon word nie.
- Een is die Wetgewer, Hy wat mag het om te red en te verderf. Maar jy, wie is jy wat 'n ander oordeel?
- Maar hy wat diep insien in die volmaakte wet van die vryheid en daarby bly, hy sal, omdat hy nie 'n vergeetagtige hoorder is nie, maar 'n dader van die werk, gelukkig wees in wat hy doen.
- Julle moet die gebooie van die Here julle God en sy getuienisse en sy insettinge wat Hy jou beveel het, ywerig onderhou.
- Ek sal u bevele tot in ewigheid nie vergeet nie,
want deur hulle het U my lewend gemaak. - Julle wat geregverdig wil wees deur die wet, is losgemaak van Christus; julle het van die genade verval.
- Hy wat julle dan die Gees verleen en kragte onder julle werk, doen Hy dit uit die werke van die wet of uit die prediking van die geloof?
