Ditemana tša Bibele tša go bolela ka Tšhegofatšo
- Morena a le hlohonolofatse,
a le baballe.
Morena a le bontshe
sefahleho sa hae se kganyang kgotso,
a le hauhele.
Morena a le tadime ka lerato,
a le nee kgotso. - Ho lehlohonolo motho
ya itshepetseng Morena,
eo tshepo ya hae
e leng yena Morena.
O tla tshwana le sefate
se lemilweng pela metsi,
seo metso ya sona
e namelang pela molatswana.
Ha se ke se tshoswa
ke ho fihla ha lebatama,
mahlaku a sona
a matalana kamehla,
ka nako ya komello
ha se ke se tshwenyeha,
kamehla se beha
ditholwana tsa sona. - A ke a o fe
se ratwang ke pelo ya hao,
a phethahatse merero yohle ya hao. - Bea mesebetsi ya hao
atleng tsa Morena,
mme merero ya hao
e tla phethahala. - ‘Ke tseba merero eo ke le reretseng yona,’ ho rialo Morena, ‘merero e metle e seng e mebe, merero ya ho le nea tshepo le bophelo ba kamoso.’
- Modimo wa ka o tla le sitsa ka tsohle tseo le di hlokang, ho ya ka bongata ba maruo a hae, ka Kreste Jesu.
- Wena o tla sebeletsa Morena Modimo wa hao; yena o tla hlohonolofatsa bohobe ba hao le metsi ao o a nwang, mme nna ke tla fedisa malwetse hara lona.
- Latswang, le utlwe
molemo wa Morena!
Ho lehlohonolo motho
ya tshabelang ho yena. - Kajeno ke le laetse hore le rate Morena Modimo wa lona, le tsamaye ditseleng tsa hae, le boloke melao ya hae, le ditaelo tsa hae, le ditemoso tsa hae, e le hore le tle le phele, mme le ate. Morena Modimo wa lona, o tla le hlohonolofatsa naheng eo le yang ho yona, hore e tle e be ya lona.
- Morena ke modisa wa ka,
ha ke hloke letho.
o nkatla makgulong a matala,
o nkisa pela metsi
moo ke tla phomola teng. - Ya elang ditaelo hloko o a atleha,
ya tshepang Morena
o a hlohonolofala. - Hlohonolofatsang ba le hlorisang; le ba hlohonolofatse, le se ke la ba rohaka.
- Modimo o na le matla a ho le atisetsa dineo tsohle tsa hae, e le hore, kamehla, le tle le be le ho lekaneng dinthong tsohle, le be le ngatafallwe haholo, hoo le ka tsebang ho etsa mesebetsi yohle e molemo.
- Morena, molemo wa hao
o mokaakang!
O o boloketse ba o tshabang;
pontsheng ya bana ba batho
o o etsetsa ba tshabelang ho wena. - Mohau wa Morena wa rona Jesu Kreste o ke o be le lona.
- Empa nna ke re ho lona ba mmametseng: Ratang dira tsa lona, etsang ba le hloileng hantle, hlohonolofatsang ba le rohakang, mme le rapelle ba le etsang hampe.
- Se busetseng bobe ka bobe, kapa tlhapa ka tlhapa, empa le hlohonolofatse, hobane Modimo o le bitseditse ho ja lefa la mahlohonolo, hobane ho thwe.
- Motswalle, ke rapela hore o phele hantle, mme o atlehe dinthong tsohle, jwalokaha o atlehile ho tsa moya.
- Hlohonolo la Morena
le entsha motho,
ha ho maswabi ao le a tlisang. - Empa se bewang ke Moya ke lerato, thabo, kgotso, mamello, mosa, molemo, botshepehi, bonolo le boitshwaro. Tse kang tsena, ha ho molao o ka di thibelang.
- Haeba o mamela lentswe la Morena Modimo wa hao ka hloko, o hlokomela ho phetha melao yohle ya hae, eo ke o laelang yona kajeno, Morena Modimo wa hao o tla o phahamisa ho feta ditjhaba tsohle tsa lefatshe.
- Mohau wa Morena Jesu Kreste o ke o be le lona.
- Ho lehlohonolo
ba lapetseng ho loka,
ba ho nyoretsweng,
hobane ba tla kgotsofatswa. - Ho lehlohonolo
ba latelang ditemoso tsa hae,
ba mmatlang
ka pelo tsohle tsa bona. - Le ke le ekeletswe lereko, le kgotso, le lerato.
Dihlogotaba tša go tswalana
Molao
Mantswe ana ao ke...
Boikobo
Jesu a mo araba...
Jesu
Jesu a ba tadima...
Kgaugelo
Ka baka leo, a...
Khutšo
Morena a le hlohonolofatse...
Go bolela
Leleme le ka phedisa...
Temana ya Bibele ya lehono
Ya nang le mamelloo molemo ho feta ya dikgoka,
ya itshwarang ha a halefile
o feta ya hapang motse.
Amogela Temana ya Bibele ya Letšatši ka Letšatši:
Tsebišo ya letšatši ka letšatšiEmeileFacebookAndroid-appWeposaeteng ya gagoTemana ya Bibele ya go se kgethwe ka maikemišetšo
Leha nka tsamaya kgohlong e lefifi,nke ke ka tshaba bobe,
hobane o na le nna,
lere la hao le molamu wa hao
di a nkgothatsa.Temana ya go latela!