Amavesi EBhayibheli ngokubonga

«»

• Thokozani njalo; khulekani ningaphezi; kukho konke bongani; ngokuba lokhu kuyintando kaNkulunkulu kuKristu Jesu ngani.
  1 kwabaseThesalonika 5:16-18injabuloumkhuleko
• Ningakhathazeki ngalutho, kepha kukho konke izicelo zenu mazaziwe nguNkulunkulu ngokukhuleka nokunxusa kanye nokubonga. Ukuthula kukaNkulunkulu okudlula ukuqonda konke kuyakulondoloza izinhliziyo zenu nemicabango yenu kuKristu Jesu.
  KwabaseFilipi 4:6-7umkhulekoukukhathazekauvalo
• Kepha makabongwe uNkulunkulu osinika ukunqoba ngeNkosi yethu uJesu Kristu.
  1 kwabaseKorinte 15:57UJesuukunqoba
• Simelwe ukumbonga njalo uNkulunkulu ngani bazalwane, njengokuba kufanele, ngokuba inkolo yenu iyanda kakhulu, nothando lwenu nonke omunye komunye luyakhula.
  2 kwabaseThesalonika 1:3inkolouthando
• Bongani uJehova, ngokuba muhle,
  ngokuba umusa wakhe umi phakade.
  1 iziKronike 16:34thembekilekhulekelaukwethembeka
• Ngokuba konke kuvela kuye, kukhona ngaye, kuya kuye; makube kuye inkazimulo kuze kube phakade. Amen.
  KwabaseRoma 11:36indalokhulekela
• Ngiyakumbonga uJehova ngayo yonke inhliziyo yami;
  ngiyakulanda zonke izimangaliso zakho.
  AmaHubo 9:1khulekelaizimangalisoinhliziyo
• Konke enikwenzayo, noma kungezwi noma kungomsebenzi, kwenzeni konke egameni leNkosi uJesu, nimbonge uNkulunkulu uYise ngaye.
  KwabaseKolose 3:17ukukhulumaukulandelaumsebenzi
• Ukuthula kukaKristu makubuse ezinhliziyweni zenu, enabizelwa futhi kukho emzimbeni munye; futhi yibani ngababongayo.
  KwabaseKolose 3:15UJesuukuthulaumzimba
• Qiniselani ekukhulekeni, nilinde kukho ninokubonga.
  KwabaseKolose 4:2umkhuleko
• Ukuze ezintweni zonke nicetshiswe kukho ukuphana konke okuveza ngathi ukubonga uNkulunkulu.
  2 kwabaseKorinte 9:11isisaisibusisoukupha
• Nakho konke okudaliweyo okusezulwini, nokusemhlabeni, naphansi komhlaba, naselwandle, nakho konke okukukho, ngakuzwa kuthi:
  “Kuyena ohlezi esihlalweni sobukhosi nakulo iWundlu makube yisibusiso,
  nodumo, nenkazimulo, namandla kuze kube phakade naphakade.”
  IsAmbulo 5:13indalokhulekelaindumiso
• Izwi likaKristu alihlale phakathi kwenu, livame, nifundisane ngokuhlakanipha konke, niyalane ngamahubo, nangezihlabelelo, nangamaculo okomoya, nimhubele uNkulunkulu ezinhliziyweni zenu ngokubonga.
  KwabaseKolose 3:16IZwi likaNkulunkuluukufundakhulekela
• Kepha mina ngiyakukuhlabela ngezwi lokudumisa,
  ngigcwalise engikuthembisileyo.
  Ukusindiswa kukuye uJehova.
  UJona 2:9insindisoumhlatsheloukulalela umthetho
• Wayesethabatha isinkwa, wabonga, wasihlephula, wabanika, wathi: “Lokhu kungumzimba wami onikelwa nina; yenzani lokhu ukuba ningikhumbule.”
  NgokukaLuka 22:19isinkwaumzimbaUJesu