- En as julle bid, gebruik nie 'n ydele herhaling van woorde soos die heidene nie, want hulle dink dat hulle deur hul baie woorde verhoor sal word.
- Vriendelike woorde is soos 'n heuningkoek:
soet vir die siel en 'n genesing vir die gebeente. - LOOF die Here, roep sy Naam aan,
maak onder die volke sy dade bekend. - So sal my woord wees wat uit my mond uitgaan:
dit sal nie leeg na My terugkeer nie,
maar doen wat My behaag
en voorspoedig wees in alles waartoe Ek dit stuur. - Laat die woorde van my mond
en die oordenking van my hart
welbehaaglik wees voor u aangesig,
o Here, my rots en my verlosser! - Die dwaas het geen behae in verstandigheid nie,
maar net daarin dat sy hart openbaar word. - O Here, red my siel van die valse lippe,
van die bedrieglike tong! - Deur die mond stort die roekelose sy naaste in die verderf,
maar deur kennis word die regverdiges gered. - Die lippe van die dwaas kom met getwis,
en sy mond roep na slae. - Bekommernis in die hart van 'n mens druk dit neer,
maar 'n vriendelike woord vrolik dit op. - In enige moeitevolle arbeid is voordeel,
maar praatjies is net tot gebrek. - AL sou ek die tale van mense en engele spreek, en ek het nie die liefde nie, dan het ek 'n klinkende metaal of 'n luidende simbaal geword.
- As iemand onder julle meen dat hy godsdienstig is en sy tong nie in toom hou nie, maar sy hart mislei, die godsdiens van hierdie man is tevergeefs.
- Bewaar jou tong vir wat verkeerd is,
en jou lippe dat hulle nie bedrog spreek nie. - En wat julle ook al doen in woord of in daad, doen alles in die Naam van die Here Jesus en dank God die Vader deur Hom.
- En hou nie gemeenskap met die onvrugbare werke van die duisternis nie, maar bestraf dit liewer. Want wat in die geheim deur hulle gedoen word, is skandelik selfs om te noem.
- Toe ek geswyg het, het my gebeente uitgeteer
in my gebrul die hele dag. - Die lippe van die regverdige weet wat welgevallig is,
maar die mond van die goddelose is pure valsheid. - Maar laat julle woord wees: Ja ja, nee nee. Wat meer as dit is, is uit die Bose.
- Dit is 'n eer vir 'n man om van twis weg te bly,
maar elke sot breek los. - En wanneer hulle jul weglei om julle oor te lewer, moenie julle vooraf kwel oor wat julle sal spreek nie, en moenie daaroor dink nie; maar wat julle in dié uur gegee word, dit moet julle spreek; want dit is nie julle wat spreek nie, maar die Heilige Gees.
- Verwyder van jou die valsheid van mond,
en hou ver van jou af die verkeerdheid van lippe. - Want daar is nog geen woord op my tong nie —
of U, Here, U ken dit geheel en al. - Want met die hart glo ons tot geregtigheid en met die mond bely ons tot redding.
- Maar Jesus antwoord en sê vir hulle: Voorwaar Ek sê vir julle, as julle geloof het en nie twyfel nie, sal julle nie alleen doen wat met die vyeboom gebeur het nie; maar al sê julle ook vir hierdie berg: Hef jou op en werp jou in die see — sal dit gebeur.
