- Ke tla boka Morena ka nako tsohle,
ke nne ke mo rorise kamehla. - Ke ile ka batla Morena,
mme a nkaraba,
a ntopolla matswalong wohle a ka. - Motho wa batho
ha a ipiletsa ho Morena,
Morena o a mo utlwa,
o mo pholosa
matshwenyehong wohle a hae. - Latswang, le utlwe
molemo wa Morena!
Ho lehlohonolo motho
ya tshabelang ho yena. - Leha barui ba ka futsaneha, ba lapa,
ba batlang Morena ba ke ke ba hloka,
ba ke ke ba hloka letho le molemo. - Tshwara leleme la hao
le se bue tse mpe,
le molomo wa hao
o se bue leshano. - Furalla bobe, o etse botle;
batla kgotso, o e pheelle. - Morena o beile leihlo la hae
ho ba lokileng,
o sekehetse sello sa bona tsebe. - Sefahleho sa Morena se sosobane,
se sosobanetse ba etsang bobe,
hore a ba hlakole lefatsheng,
ba se hlole ba hopolwa. - Ha ba lokileng ba lla,
Morena o a ba utlwa;
o ba lopolla
matshwenyehong wohle a bona.
Morena o haufi
le ba feletsweng ke tshepo,
o pholosa ba meya e tetebetseng. - Mahlomola a ya lokileng a mangata,
empa Morena o mo lopolla
ho wona wohle. - Morena o lopolla bophelo
ba bahlanka ba hae;
ho ba tshabelang ho yena,
ha ho le ya mong ya tla ahlolwa.
Dihlogotaba tša go tswalana
Go theeletša
Bana beso ba ratehang...
Phološo
Ha ho e mong...
Mpe
O se ke wa...
Tšhegofatšo
Morena a le hlohonolofatse...
Go bolela
Leleme le ka phedisa...
Go nyaka
Le tla mpatla, mme...
Temana ya Bibele ya lehono
Oho, Modimo, ako nkgauheleka mohau wa hao,
ho ya ka boholo ba lerato la hao
ako hlakole melato ya ka.
Ntlhatswisise bokgopo ba ka,
o ntlhwekise sebe sa ka.