- Mora wa ka,
se lebale thuto ya ka,
pelong ya hao
melao ya ka o e boloke,
o tlo lelefaletswe matsatsi a hao,
lemo tsa kgotso di tle di o atele. - Eba le lerato, o be le botshepehi,
molaleng wa hao o itlame ka tsona;
o di ngole tlapeng la pelo ya hao.
O tla ratwa ke Modimo le batho,
o iketsetse lebitso mahlong a bona. - Tshepa Morena
ka pelo ya hao yohle,
o se ke wa tshepa bohlale ba hao.
Kenya Morena mererong ya hao,
mo kenye ho yona yohle,
tsela tsa hao a tla di otlolle. - O se ipone o le bohlale,
tshaba Morena, o sesefe bobe.
O tla phela hantle mmeleng,
masapo a hao a tiye. - Tlotla Morena ka maruo a hao,
le ka lopotsiya tsohle
tsa dijalo tsa hao. - Mora wa ka,
se nyedise kgalemelo ya Morena,
se kgathale ha a o laya,
hoba Morena o kgalema
eo a mo ratang,
sa ntata, ngwaneng eo a mo ratang. - Ho lehlohonolo
ya iphumanetseng bohlale,
ya bileng a fihletseng kutlwisiso. - Fana ka tse molemo
ho ba di hlokang,
ha o ena le matla a ho etsa jwalo. - Se kgahlwe ke motho
ya kgantshang bohanka,
se latele le e nngwe ya tsela tsa hae.
Morena o hloile ya sothang nnete,
empa ya lokileng
yena o a mo tshepa.
Dihlogotaba tša go tswalana
Pelo
Baballa pelo ya hao...
Lerato
Lerato le na le...
Tshepo
Tshepa Morena ka pelo...
Go fa
Motho ka mong a...
Molao
Mantswe ana ao ke...
Bophelo
Morena o tla o...
Temana ya Bibele ya lehono
Jwalokaha motho eoa tswetswe a le feela,
o tla ya lebitleng
a ntsa le feela.
Hara tsohle
tseo a di sebeditseng,
a ke ke a nka le e nngwe
ka letsoho la hae.