DailyVerses.netIzihlokoIvesi elingokungenamkhetheBhalisa

IZAFOBE 3

  • Mfo wam, sukuyilibala imfundiso yam,
    koko mayihlale ihleli imiyalelo yam engqondweni yakho.
    Kaloku imfundiso yam iya kukongezela imihla emininzi,
    ikwandisele iminyaka noxolo.
  • Ungaze wahlukane nentembeko nokunyaniseka.
    Maxa onke ezi zinto mazibe sisivatho entanyeni yakho.
    Ewe, zikrole elucwecweni lwentliziyo yakho.
    Ukuba uyayenza ke loo nto uya kuhlala wamkelekile,
    ube negama elihle kuThixo nasebantwini.
  • Kholosa ngoNdikhoyo ngomxhelo wakho wonke,
    ungaze ungqiyame ngezakho iimbono.
    Mkhumbule uNdikhoyo kuyo yonke ihambo yakho,
    waye ke yena eya kukukhokela kuzo zonke iindlela zakho.
  • Musa ukuzibona usisilumko wena ngokwakho;
    ndaweni yaloo nto hlala umhlonela uNdikhoyo, ubucezele ububi.
    Loo nto iya kuwunika impilo umzimba wakho,
    atsho omelezeke amathambo akho.
  • Rhuma ngobuncwane bengeniso yakho, uzimase uNdikhoyo;
    ewe, menzele umnikelo ngolibo lwemveliso yakho.
  • Mfo wam, musa ukuyidela ingqeqesho kaNdikhoyo,
    ungasicekisi isiluleko sakhe.
    Kaloku uNdikhoyo uyamluleka umntu amthandayo,
    kwanjengokuba uyise emohlwaya unyana anebhongo ngaye.
  • Unenyhweba kambe umntu obufumeneyo ubulumko;
    nditsho lowo ukuzuzileyo ukuqonda.
  • Musa ukwala nento elungileyo konelungelo ngayo,
    ngakumbi xa kusemandleni akho ukumnceda.
  • Musa ukuyilangazelela inzuzo yomntu okhohlakeleyo;
    ndaweni yaloo nto zicezele iindlela zakhe.
    Kaloku ulisikizi kuNdikhoyo umntu olitshijolo;
    kodwa abathe tye bangamathenjwa akhe.

Ivesi yeBhayibhile yosuku

Kanene yintoni na emntwini ebaziyo ubume bomntu, ingenguwo umoya womntu ongaphakathi kwakhe? Ngokunjalo nobume bukaThixo akukho namnye ubaziyo, ingenguye uMoya kaThixo.

Fumana ivesi yeBhayibhile yosuku:

Isaziso semihla ngemihlaI-imeyileFacebookAndroid-appKwiwebhusayithi yakho

Ivesi yeBhayibhile engaqhelekanga

Musani ukusunduzana. Izinto sanukuzenza ngokuzigwagwisa nangokuqhayisa. Ndaweni yaloo nto zithobeni, nibaphakamise kunani abanye abantu.Ivesi elandelayo!

I Support DailyVerses.net

Ndincede mna ndisasaze iLizwi likaThixo:
Nikela