Iivesi zeBhayibhile malunga noMesiya

«»

• Wathi kubo: “Ke nina nithi ndingubani?”
  Waphendula uSimon Petros wathi: “Wena unguye uKrestu, uNyana kaThixo ophilayo.”
  UMATEWU 16:15-16UYesu
• Andithi na kaloku thina sizalelwe umntwana;
  kaloku thina silizwe ngonyana.
  Nguye ke oya kulawula.
  Ke yena wothiywa igama kuthiwe
  nguMcebisi omangalisayo,
  uThixo oligorha,
  uSonini-nanini,
  iTshawe loxolo.
  UISAYA 9:6UYesuUTatakrisimesi
• Namhlanje, edolophini kaDavide, nizalelwe uMsindisi onguKrestu iNkosi.
  ULUKA 2:11UMsindisikrisimesi
• Nani ke ngoko hlalani nizilungiselele, kuba uNyana woLuntu wofika ngexesha eningalilindelanga.
  UMATEWU 24:44ukuza kwesibiniukuphela kwexesha
• Bazingisa ke imihla yonke, endlwini kaThixo nasemakhayeni, ukufundisa nokushumayela iindaba ezimnandi ezingoYesu onguKrestu.
  UMSEBENZI WABATHUNYWA 5:42ukuvangelaukufunda
• Kodwa kude kwayile mini uThixo endinceda; nangoku ndimi apha ndingqina kubo bonke, abaphakamileyo nabaphantsi ngokufanayo. Le nto ndiyithethayo ikwayiloo nto bayithethayo abashumayeli bamandulo kwakunye noMosis, le yokuba uKrestu umelwe kukuva ubunzima, aze abe ngowokuqala ukuvuka kwabafileyo, avakalise ukuvela komsobomvu wosindiso kumaJuda nasezintlangeni.
  UMSEBENZI WABATHUNYWA 26:22-23ukuvangelaukubandezelekauvuko
• Unoyolo engokaThixo lowo uluxhamleyo uvuko lokuqala. Ukufa kwesibini akunamandla kuye. Kaloku woba ngumbingeleli kaThixo nokaKrestu, axhamle ulawulo kunye noKrestu iminyaka eliwaka.
  ISITYHILELO 20:6uvukoukufaubukumkani