UJesu (8/8)

UNkulunkulu eseyivusile iNceku yakhe wayithumela kini kuqala ukunibusisa ngokuniguqula, kube yilowo nalowo… IzEnzo 3:26

ZUL59

UNkulunkulu eseyivusile iNceku yakhe wayithumela kini kuqala ukunibusisa ngokuniguqula, kube yilowo nalowo kini ebubini bakhe.
IzEnzo 3:26 ukuvuka isibusiso ukuguqulwa
Izixuku ezazihamba phambili nezazimlandela zamemeza zathi:
“Hosiyana kuyo iNdodana kaDavide!
Ubusisiwe ozayo egameni leNkosi.
Hosiyana kweliphezulu!”
NgokukaMathewu 21:9 khulekela iphasika
Yazini uMoya kaNkulunkulu ngalokhu: bonke omoya abavuma ukuthi uJesu Kristu ufikile enyameni bangabakaNkulunkulu; lowo moya ongamvumi uJesu akasiye okaNkulunkulu; lowo ungowomphikukristu enizwe ngaye ukuthi uyeza, nakalokhu usefikile ezweni.
1 kaJohane 4:2-3 UMoya ukuvuma
Ngingumalusi omuhle. Umalusi omuhle udela ukuphila kwakhe ngenxa yezimvu.
NgokukaJohane 10:11 ukuphila ukubethelwa umhlatshelo
Besadla, uJesu wathabatha isinkwa, wasibusisa, wasihlephula, wanika abafundi bakhe, wathi: “Thabathani nidle; lokhu kungumzimba wami.”
NgokukaMathewu 26:26 isinkwa umzimba
Bheka, kwavela izwi ezulwini, lithi: “Lo uyiNdodana yami ethandekayo engithokozile ngayo.”
NgokukaMathewu 3:17 UNkulunkulu ukuvuma
Nahlukene noKristu nina nonke enifuna ukulungisiswa ngomthetho; niwile emseni.
KwabaseGalathiya 5:4 ukulunga umusa umthetho
Zihloleni nina, nibone ukuba nisekukholweni yini, nizivivinye nina. Kanti anizazeli yini ukuthi uJesu Kristu ukinina? Uma kungenjalo, ningabokwaliwa.
2 kwabaseKorinte 13:5 inkolo insindiso
Wayesethabatha isitsha, wabonga, wabanika, wathi: “Phuzani nonke kuso; ngokuba lokhu kuyigazi lami lesivumelwano elithululwa ngenxa yabaningi kukho ukuthethelelwa kwezono.”
NgokukaMathewu 26:27-28 iwayini igazi isivumelwano
UJesu walihamba lonke elaseGalile efundisa emasinagogeni abo, eshumayela ivangeli lombuso, ephulukisa abantu ezifweni zonke nasebuthakathakeni bonke.
NgokukaMathewu 4:23 ukuvangela umbuso ukuphulukisa
Ngokuba iNdodana yomuntu iyakuza ngenkazimulo kaYise kanye nezingelosi zayo; khona-ke iyakuvuza yilowo nalowo ngesenzo sakhe.
NgokukaMathewu 16:27 ukuza kwesibili izingelosi umvuzo
Ngaye bonke abaprofethi bafakaza ukuthi ngegama lakhe bonke abakholwa nguye bayakwamukela ukuthethelelwa kwezono.
IzEnzo 10:43 isiprofetho inkolo intethelelo
Yona iyinhloko yomzimba, ngisho ibandla, engukuqala, izibulo kwabafileyo, ukuze yona ibe ngowokuqala ezintweni zonke.
KwabaseKolose 1:18 isonto ukuvuka
Impela iNkosi ivukile, ibonakele kuSimoni.
NgokukaLuka 24:34 ukuvuka iphasika