Amavesi EBhayibheli ngokudla

«»

• Ngokuba usuthisa umphefumulo olangazelayo;
  umphefumulo olambayo uyawugcwalisa ngokuhle.
  AmaHubo 107:9thembekile
• UJesu wathi kubo: “Mina ngiyisinkwa sokuphila; ozayo kimi kasoze alamba, nokholwa yimi kasoze oma.”
  NgokukaJohane 6:35inkoloukuphilaisinkwa
• Ngakho-ke noma nidla, noma niphuza, noma nenzani, konke kwenzeleni udumo lukaNkulunkulu.
  1 kwabaseKorinte 10:31ukuphilakhulekela
• Odlayo angamdeleli ongadliyo, ongadliyo angamahluleli odlayo, ngokuba uNkulunkulu umamukele.
  KwabaseRoma 14:3ukwahlulela
• Lezi ningazidla kuzo zonke ezisemanzini: zonke ezinamaphiko nezingcwecwe; zonke ezingenamaphiko nazingcwecwe ningezidle; zingcolile kini.
  UDuteronomi 14:9-10
• UNkulunkulu wathi: “Bhekani, ngiyaninika yonke imifino ethela imbewu, esemhlabeni wonke, nemithi yonke okukuyo izithelo zomuthi oveza imbewu, kube ngukudla kwenu.”
  UGenesise 1:29ukuphilaukuthela
• Umphefumulo ophanayo uyakukhuluphaliswa;
  ophuzisayo uyakuphuziswa naye.
  IzAga 11:25isisaukuphaubugovu
• Zonke izilwane eziphilayo ziyakuba ngukudla kwenu; ngiyaninika konke kube njengemifino eluhlaza. Kepha inyama okukuyo umphefumulo wayo, okungukuthi igazi layo, aniyikuyidla.
  UGenesise 9:3-4igazi
• Kepha waphendula wathi: “Kulotshiwe ukuthi: ‘Akusinkwa sodwa umuntu ayakuphila ngaso kodwa ngamazwi onke aphuma emlonyeni kaNkulunkulu.’ ”
  NgokukaMathewu 4:4IZwi likaNkulunkuluukulalelaisinkwa
• Ngokuba asilethanga lutho ezweni; kusobala ukuthi singemuke nalutho futhi; kepha uma sinokudla nezambatho, asaneliswe yikho.
  1 kuThimothewu 6:7-8ukuthanda izinto ezibambekayoukwanelisekaumhlaba
• Ngalokho-ke ngithi kini: Ningakhathazeki ngokuphila kwenu ukuthi niyakudlani noma niyakuphuzani, nangomzimba wenu ukuthi niyakwembathani. Ukuphila akukukhulu kunokudla nomzimba kunesambatho na?
  NgokukaMathewu 6:25ukuphilaukukhathazekaubuhle
• Wazithabatha izinkwa eziyisihlanu nezinhlanzi ezimbili, wabheka ngasezulwini, wazibusisa, wazihlephula, wanika abafundi ukuba babele isixuku. Badla, basutha bonke, kwabuthwa imvuthuluka eyasala kubo, iziqabetho eziyishumi nambili.
  NgokukaLuka 9:16-17izimangalisoumkhulekoisinkwa
• Ngakho makungabikho muntu onilahla ngokudla nesiphuzo, noma ngemikhosi, noma ukwethwasa kwenyanga, noma amasabatha, okuyisithunzi nje salokhu obekuzakuza; kepha umzimba ngokaKristu.
  KwabaseKolose 2:16-17isabathaukwahlulelaUJesu
• Bheka, ngimi ngasemnyango ngingqongqotha; uma umuntu ezwa izwi lami, avule umnyango, ngiyakungena kuye, ngidle naye, naye adle nami.
  IsAmbulo 3:20ukulalela umthethoukulalelaizethembiso
• Wayesethi kubo: “Hambani nidle okunonileyo, niphuze okumnandi, nithumele izabelo kwabangalungiselwanga lutho, ngokuba lolu suku lungcwele kuJehova; ningadabuki, ngokuba injabulo kaJehova iyinqaba yenu.”
  UNehemiya 8:10ukuphainjabulo
• Hamba udle isinkwa sakho ngentokozo, uphuze iwayini ngenhliziyo enhle, ngokuba uNkulunkulu usevumile imisebenzi yakho.
  UmShumayeli 9:7injabuloukuphilainhliziyo
• Ningasebenzeli ukudla okuphelayo kepha ukudla okuhlala kuze kube ngukuphila okuphakade, eyakunipha khona iNdodana yomuntu, ngokuba uYise uNkulunkulu ubekile uphawu kuyona.
  NgokukaJohane 6:27ukuphila okungunaphakadeUJesu
• Amazwi amahle anjengamakhekheba oju;
  amnandi emphefumulweni, ayimpiliso emathanjeni.
  IzAga 16:24ubumneneukukhulumaumphefumulo
• Imihla ngemihla baqinisela nganhliziyonye ethempelini, bahlephula isinkwa ekhaya, badla ukudla kwabo ngentokozo nangobumhlophe benhliziyo, bemdumisa uNkulunkulu, bethandeka kubantu bonke. INkosi yenezela ebandleni imihla ngemihla abasindiswayo.
  IzEnzo 2:46-47khulekelaumphakathiindumiso
• Kepha yena onika ohlwanyelayo inhlwanyelo nesinkwa sokudliwa uyakulungisela evise imbewu yenu, andise izithelo zokulunga kwenu.
  2 kwabaseKorinte 9:10ukulungaukuphaisisa
• Ngangingadli isinkwa esithandiweyo, nenyama newayini akungenanga emlonyeni wami, futhi angizigcobanga nakanye kwaze kwaphelela amasonto amathathu.
  UDaniyeli 10:3ukuzila ukudlaiwayini
• Babusisiwe abalambele,
  bomele ukulunga,
  ngokuba bayakusuthiswa.
  NgokukaMathewu 5:6ukulungaisibusisoukwamukela
• Njengezingane ezisand' ukuzalwa langazelelani ubisi olungokomoya olungenakonakala, ukuze nikhule ngalo kube ngukusindiswa.
  1 kaPetru 2:2insindisoIZwi likaNkulunkuluukuzalwa kabusha
• Kodwa funani kuqala umbuso kaNkulunkulu nokulunga kwakhe, khona konke lokhu kuyakwenezelwa nina.
  NgokukaMathewu 6:33ukulungaumbuso
• Wakuthobisa-ke, wakulambisa, wakupha ukuba udle imana obungalazi, bebengalazi futhi oyihlo, ukuba akwazise ukuthi umuntu akaphili ngesinkwa sodwa; kepha ngakho konke okuphuma emlonyeni kaJehova, yikho umuntu aphila ngakho.
  UDuteronomi 8:3inhluphekoIZwi likaNkulunkuluukuphila