Amavesi EBhayibheli ngomkhuleko

«»

• Thokozani njalo; khulekani ningaphezi; kukho konke bongani; ngokuba lokhu kuyintando kaNkulunkulu kuKristu Jesu ngani.
  1 kwabaseThesalonika 5:16-18injabuloukubonga
• Ningakhathazeki ngalutho, kepha kukho konke izicelo zenu mazaziwe nguNkulunkulu ngokukhuleka nokunxusa kanye nokubonga. Ukuthula kukaNkulunkulu okudlula ukuqonda konke kuyakulondoloza izinhliziyo zenu nemicabango yenu kuKristu Jesu.
  KwabaseFilipi 4:6-7ukubongaukukhathazekauvalo
• Yilesi sibindi esinaso kuye sokuthi, uma sicela utho ngokwentando yakhe, uyasizwa.
  1 kaJohane 5:14ukwethembaukulalela
• Qiniselani ekukhulekeni, nilinde kukho ninokubonga.
  KwabaseKolose 4:2ukubonga
• Niyakungibiza, niye ukukhuleka kimi, ngiyakunizwa.
  UJeremiya 29:12khulekelaukulalela
• Ngalokho ngithi kini: Konke enikukhulekelayo nenikucelayo, kholwani ukuthi nikwamukele, nizakuba nakho.
  NgokukaMarku 11:24inkoloukwamukela
• Ethembeni nithokoze; osizini nibekezele; ekukhulekeni niqinisele njalo.
  KwabaseRoma 12:12injabuloukubekezela
• UJehova useduze nabo bonke abambizayo,
  bonke abambizayo ngeqiniso.
  AmaHubo 145:18ukwethembathembekile
• Kepha phakathi kobusuku oPawulu noSila bekhuleka bamdumisa uNkulunkulu ngamahubo, iziboshwa zabezwa.
  IzEnzo 16:25khulekelaukulalelaindumiso
• Ngibize, ngiyakukuphendula, ngikutshele izinto ezinkulu nezifihlekileyo ongazaziyo.
  UJeremiya 33:3ukuqondaukulalela
• Kodwa nxa nikhuleka, ningathemelezi njengabezizwe, ngokuba bathi bayakuzwiwa ngokukhuluma kwabo okuningi.
  NgokukaMathewu 6:7ukukhulumaimicabango
• Ngakho-ke masisondele ngesibindi esihlalweni somusa ukuba samukeliswe isihawu, sifumane umusa wokusiza ngesikhathi esifaneleyo.
  KumaHeberu 4:16umusaisihe
• Ngokuba lapho kubuthene ababili noma abathathu egameni lami, ngikhona lapho phakathi kwabo.
  NgokukaMathewu 18:20UJesuumphakathiisonto
• Ekuhluphekeni kwami ngambiza uJehova,
  ngakhala kuNkulunkulu wami;
  walizwa izwi lami esethempelini lakhe;
  ukukhala kwami phambi kwakhe kwangena ezindlebeni zakhe.
  AmaHubo 18:6ukukhulumaukulalela
• Kepha wena, nxa ukhuleka, ngena ekamelweni lakho, uthi usuvale umnyango wakho ukhuleke kuYihlo osekusithekeni; noYihlo obona ekusithekeni uzakukuvuza.
  NgokukaMathewu 6:6umvuzoUBaba
• Uma sazi ukuthi uyasizwa noma sicelani, siyazi ukuthi sinakho esikucelileyo, esikucele kuye.
  1 kaJohane 5:15ukwethembaukulalela
• Ngakho, vumani izono omunye komunye, nikhulekelane ukuba niphulukiswe. Umkhuleko oqinileyo wolungileyo unamandla kakhulu.
  EkaJakobe 5:16ukulungaukuphulukisaukugula
• Kepha makacele ngokukholwa engangabazi ngalutho; ngokuba ongabazayo unjengedlambi lolwandle eliqhutshwa, ligujiswa ngumoya.
  EkaJakobe 1:6ukwethembainkolo
• Kepha ukuphela kwezinto zonke sekusondele. Ngakho zikhuzeni, nizithibe, ukuze nikhuleke.
  1 kaPetru 4:7ukuza kwesibiliukuphela kwesikhathiukuphumula
• Aningikhethanga nina, kodwa mina nginikhethile nina, nganibeka ukuba niphume, nithele izithelo, nezithelo zenu zihlale ukuba noma yini eniyakukucela kuBaba egameni lami aninike khona.
  NgokukaJohane 15:16ukulalela umthethoubizoukuthela
• Ngakhala kuye ngomlomo wami;
  ukudumisa kwakuphansi kolimi lwami.
  AmaHubo 66:17khulekelaindumisoukucula
• Nakho konke eningakucela ngokukhuleka nikholwa niyakukwamukeliswa.
  NgokukaMathewu 21:22thembekileinkolo
• Bonke laba baqinisela nganhliziyonye ekukhulekeni kanye nabesifazane, noMariya unina kaJesu, nabafowabo.
  IzEnzo 1:14umphakathi
• Noma yini eniyakukucela egameni lami ngiyakukwenza ukuba uBaba akhazimuliswe eNdodaneni.
  NgokukaJohane 14:13UJesuUBaba
• Kepha ngithi kini enizwayo: Thandani izitha zenu, nenze okuhle kwabanizondayo, nibusise abaniqalekisayo, nibakhulekele abanidumazayo.
  NgokukaLuka 6:27-28ukulalela umthethoisibusiso