Umkhuleko (2/3)

Niyafisa, nokho aninalutho; niyabulala ninomhawu, nokho anizuzi lutho; niyalwa nenza impi. Aninalutho, ngokuba ningaceli. EkaJakobe 4:2

ZUL59

Niyafisa, nokho aninalutho; niyabulala ninomhawu, nokho anizuzi lutho; niyalwa nenza impi. Aninalutho, ngokuba ningaceli.
EkaJakobe 4:2 isibi izifiso
Ngokunjalo noMoya uyasisiza ebuthakathakeni bethu; ngokuba asikwazi esingakucela ngokufaneleyo, kodwa uMoya uqobo usikhulumela ngokububula okungenakuphinyiselwa.
KwabaseRoma 8:26 ukukhuluma UMoya ubuthakathaka
Jehova, ekuseni uyalizwa izwi lami;
ekuseni ngiyakuzibika kuwe, ngilinde.
AmaHubo 5:3 ukubekezela ukulalela
Emini uJehova uyaleza umusa wakhe;
ebusuku isihlabelelo sakhe sikimi,
ngikhuleke kuNkulunkulu wokuphila kwami.
AmaHubo 42:8 uthando khulekela
Jehova, yizwa umkhuleko wami,
ubeke indlebe ekuncengeni kwami;
ungiphendule ngokuthembeka kwakho nokulunga kwakho.
AmaHubo 143:1 thembekile ukulunga ukwethembeka
Lindani, nikhuleke ukuba ningangeni ekulingweni; umoya uyavuma, kepha inyama ibuthakathaka.
NgokukaMathewu 26:41 isilingo izifiso umlutha
Sithandwa, kunakho konke ngikufisela ukuba ube nenhlanhla nokuphila, njengokuba umphefumulo wakho unenhlanhla.
3 kaJohane 1:2 isibusiso umphefumulo ukugula
Ngokuba amehlo eNkosi aphezu kwabalungileyo,
izindlebe zayo zisekunxuseni kwabo,
kepha ubuso beNkosi buphezu kwabenza okubi.
1 kaPetru 3:12 ukulunga ukulalela okubi
Engcingweni yami ngakhuleka kuJehova,
uJehova wangiphendula endaweni ebanzi.
AmaHubo 118:5 ukuncika umduduzi
Ngokuba ngiyazi ukuthi lokhu kuyakungenzela ukusindiswa ngokunxusa kwenu nangokusiza kukaMoya kaJesu Kristu.
KwabaseFilipi 1:19 insindiso UMoya
Ngakho-ke anokhuleka kanje, nithi:
“Baba wethu osezulwini,
malingcweliswe igama lakho;
mawufike umbuso wakho;
mayenziwe intando yakho emhlabeni njengasezulwini. ”
NgokukaMathewu 6:9-10 UBaba ukuthobeka umhlaba
Sase sizila-ke, sanxusa uNkulunkulu wethu ngalokho, wasizwa.
U-Ezra 8:23 ukuzila ukudla
Amazwi omlomo wami nokuzindla kwenhliziyo yami
makuthandeke ebusweni bakho, Jehova,
dwala lami nomhlengi wami.
AmaHubo 19:14 ukukhuluma inhliziyo
Nasi isihlupheki esakhala,
uJehova wezwa,
wasikhulula kuzo zonke izinhlupheko zaso.
AmaHubo 34:6 ukulalela insindiso ukuhlupheka
Kukhona ogulayo phakathi kwenu na? Makabize amalunga ebandla, amkhulekele, amgcobe ngamafutha egameni leNkosi. Umkhuleko wokukholwa uyakumsindisa ogulayo, iNkosi imvuse; noma enzile izono, uzakuthethelelwa zona.
EkaJakobe 5:14-15 ukugula inkolo ukuphulukisa
Futhi nxa nimi nikhuleka, thethelelani, uma ninamagqubu nomunye, ukuze noYihlo osezulwini anithethelele iziphambeko zenu.
NgokukaMarku 11:25 intethelelo UBaba isibi
Ngakho-ke uPetru wagcinwa etilongweni; kepha ibandla lamkhulekela ngesineke kuNkulunkulu.
IzEnzo 12:5 umakhelwane ukuncika umphakathi
Kuyakuthi yilowo nalowo
obiza igama leNkosi uyakusindiswa.
IzEnzo 2:21 insindiso khulekela
UJehova wambuyisa uJobe ekuhluphekeni, lapho ekhulekela abangane bakhe; wenezela kukho konke uJobe ayenakho ngokukuphinda kabili.
UJobe 42:10 isibusiso imali
Kwathi sebekhulekile, kwazanyazanyiswa indawo lapho bebebuthene khona, bagcwaliswa bonke nguMoya oNgcwele, bakhuluma izwi likaNkulunkulu ngesibindi.
IzEnzo 4:31 ipentekoste UMoya Oyingcele izimangaliso
Ngakho-ke uma nina eningababi nikwazi ukubapha abantwana benu izipho ezinhle, kakhulu kangakanani uYihlo osezulwini uzakubapha abacela kuye uMoya oNgcwele.
NgokukaLuka 11:13 UMoya umndeni isisa
Buya, uthi kuHezekiya umholi wabantu bami: ‘Usho kanje uJehova uNkulunkulu kaDavide uyihlo, uthi: Ngizwile umkhuleko wakho, ngibonile izinyembezi zakho; bheka, ngiyakukuphilisa; ngosuku lwesithathu uyakwenyukela endlini kaJehova.’
2 AmaKhosi 20:5 ukudabuka ukuphulukisa isiprofetho
Ngiyakubonga, ngikudumise wena Nkulunkulu wawobaba
ongiphile ukuhlakanipha namandla,
wangazisa esasikucela kuwe,
ngokuba usazisile indaba yenkosi.
UDaniyeli 2:23 khulekela inhlakanipho indumiso
Kepha mina ngithi kini: Thandani izitha zenu, nibabusise abaniqalekisayo, nibaphathe kahle abanizondayo, nibakhulekele abanizingelayo.
NgokukaMathewu 5:44 uthando ushushiso
Vuka, Jehova!
Nkulunkulu, phakamisa isandla sakho,
ungakhohlwa abahluphekileyo.
AmaHubo 10:12 umakhelwane ukuhlupheka