Umzimba (2/2)

Odla inyama yami, aphuze igazi lami, uhlala kimi, nami kuye. NgokukaJohane 6:56

ZUL59

Odla inyama yami, aphuze igazi lami, uhlala kimi, nami kuye.
NgokukaJohane 6:56 igazi UJesu ukusondela
Noma ngabela abampofu konke enginakho, noma nginikela umzimba wami ukuba ushiswe, kepha ngingenalo uthando, akungisizi ngalutho.
1 kwabaseKorinte 13:3 uthando inhlupheko ukupha
Wayesethabatha isinkwa, wabonga, wasihlephula, wabanika, wathi: “Lokhu kungumzimba wami onikelwa nina; yenzani lokhu ukuba ningikhumbule.”
NgokukaLuka 22:19 isinkwa ukubonga UJesu
Abafazi mabathobele amadoda abo kungathi kukuyo iNkosi, ngokuba indoda iyinhloko yomfazi, njengokuba noKristu uyinhloko yebandla, yena engumsindisi womzimba.
Kwabase-Efesu 5:22-23 umshado UJesu insindiso
Kodwa yembathani iNkosi uJesu Kristu, ninganakekeli inyama kuvuswe izinkanuko.
KwabaseRoma 13:14 izifiso umlutha UJesu
Kanjalo amadoda afanele ukuthanda omkawo njengemizimba yawo. Othanda umkakhe uzithanda yena.
Kwabase-Efesu 5:28 ubudlelwano umshado
Yena owathwala izono zethu emzimbeni wakhe emthini, ukuze kuthi sesifile ezonweni siphile ekulungeni, oyena imivimbo yakhe naphulukiswa ngayo.
1 kaPetru 2:24 isibi ukulunga ukuphulukisa
Ngenxa yalokho umuntu uyakushiya uyise nonina, anamathele kumkakhe; labo ababili bayakuba nyamanye.
Kwabase-Efesu 5:31 umshado ucansi
Mina ngiyisinkwa esiphilayo esehla ezulwini. Uma umuntu edla lesi sinkwa, uyakuphila phakade; futhi-ke isinkwa engizakusinikela ngenxa yokuphila kwezwe siyinyama yami.
NgokukaJohane 6:51 isinkwa UJesu umhlaba
Wayesethi kubo: “Kanti nani ningabangaqondiyo na? Aniqondi yini ukuthi konke okungaphandle okungena kumuntu kungemngcolise na? Ngokuba akungeni enhliziyweni yakhe, kodwa kungena esiswini, kuphumele ngaphandle, kuhlambulula ukudla konke.”
NgokukaMarku 7:18-19 ukudla inhliziyo
Ngokuba lokhu kuyintando kaNkulunkulu, ukungcweliswa kwenu, ukuba nidede ebufebeni ukuba yilowo nalowo kini akwazi ukuhlala nomkakhe ngobungcwele nangokuhlonipha, kungabi ngokushisa kwenkanuko njengabezizwe abangamazi uNkulunkulu.
1 kwabaseThesalonika 4:3-5 ubungcwele ucansi ukuzithiba
Kepha imisebenzi yenyama isobala, engukuthi: ubufebe, nokungcola, namanyala, nokukhonza izithombe, nokuthakatha, nobutha, nokulwa, nomona, nokuthukuthela, nokubanga, nokwalana, nokwahlukana, nomhawu, nokudakwa, nokuxokozela, nokunjalo engandulela ukunitshela ngakho, njengokuba senganitshela ukuthi abenza okunje abayikulidla ifa lombuso kaNkulunkulu.
KwabaseGalathiya 5:19-21 isibi ucansi izithombe ezibaziweyo
Kepha kusukela ekuqaleni kokudalwa uNkulunkulu wabenza owesilisa nowesifazane. Ngenxa yalokho umuntu uyakushiya uyise nonina, anamathele kumkakhe; labo ababili bayakuba nyamanye; ngakho abasebabili, kepha sebenyamanye. Ngakho-ke lokho akuhlanganisileyo uNkulunkulu makungahlukaniswa ngumuntu.
NgokukaMarku 10:6-9 umshado ucansi
Ngokuba abokwenyama banaka okwenyama, kepha abakaMoya banaka okukaMoya.
KwabaseRoma 8:5 ukuphila UMoya ukuncika
Besadla, uJesu wathabatha isinkwa, wasibusisa, wasihlephula, wanika abafundi bakhe, wathi: “Thabathani nidle; lokhu kungumzimba wami.”
NgokukaMathewu 26:26 isinkwa UJesu
Balekelani ubufebe. Zonke izono azenzayo umuntu zingaphandle komzimba; kepha owenza ubufebe wona owakhe umzimba.
1 kwabaseKorinte 6:18 ucansi isibi