Asan'ny Apostoly 2

MG1865

Ary nony tonga ny Andro Pentekosta, dia teo amin'ny fitoerana iray izy rehetra. Ary nisy feo tonga tampoka avy tany an-danitra, toy ny rivotra mahery mifofofofo, ka nanenika ilay trano niangonany.
Asan'ny Apostoly 2:1-2 Fanahy lanitra pentekosta
Ary nisy lela maro mitarehin'afo niseho taminy, izay nizarazara; ary nipetraka tamin'izy rehetra isan-olona izany. Ary samy feno ny Fanahy Masina izy rehetra, ka dia niteny tamin'ny fiteny maro samy hafa, araka ny nampitenenan'ny Fanahy Masina azy.
Asan'ny Apostoly 2:3-4 lahateny Fanahy pentekosta
Ary na zovy na zovy no hiantso ny anaran'i Jehovah dia hovonjena.
Asan'ny Apostoly 2:21 famonjena fiankohofana fivavahana
Ary rehefa nasandratry ny tanana ankavanan'Andriamanitra Izy, ary nandray tamin'ny Ray ny Fanahy Masina Izay nokasainy, dia efa nampilatsaka izao hitanareo sy renareo izao Izy.
Asan'ny Apostoly 2:33 Fanahy Masina pentekosta fiakarana
Ary hoy Petera taminy: Mibebaha, ary aoka samy hatao batisa amin'ny anaran'i Jesosy Kristy ianareo rehetra mba hahazo famelana ny helokareo; ary ianareo handray ny fanomezana, dia ny Fanahy Masina.
Asan'ny Apostoly 2:38 famelàn-keloka Fanahy batisa
Ary izay nandray tsara ny teniny dia natao batisa; ary tokony ho telo arivo no olona nanampy ho isany tamin'izany andro izany.
Asan'ny Apostoly 2:41 finoana batisa Tenin'Andriamanitra
Ary izy ireo naharitra tamin'ny fampianaran'ny Apostoly sy ny fiombonana sy ny famakiana ny mofo ary ny fivavahana.
Asan'ny Apostoly 2:42 fiaraha-monina fivavahana fankatoavana
Ary dia niray saina isan'andro izy ka nazoto nankeo an-kianjan'ny tempoly ary namaky mofo tao an-trano ka nihinan-kanina tamin'ny fifaliana sy ny fahatsaram-po, nidera an'Andriamanitra sady nahita fitia tamin'ny vahoaka rehetra. Ary ny olom-bonjena dia nanampin'ny Tompo isan'andro ho isan'ireo.
Asan'ny Apostoly 2:46-47 fiankohofana hanina fiaraha-monina