- Kgalefo ya hae
ke ya motsotswana feela,
lerato la hae
ke la bophelo bohle ba motho.
Leha nka robala ka meokgo,
ha bo esa e se e le nyakallo. - Motsheare Morena o tla ntshitsa,
a ntshitse ka mohau wa hae;
bosiu ke tla mminela,
ke rapele Modimo ya mphedisang. - Mohau wa hao o molemo
ho feta bophelo,
molomo wa ka o tla o rorisa.
Ke tla o boka ha ke ntse ke phela,
ke phahamise matsoho a ka,
ke a phahamisetse ho wena. - O se ke wa jara ngwaneno ka pelo. O kgalemele mohaeno, esere wa itjarisa sebe ka baka la hae. O se ke wa iphetetsa, kapa wa ntshetsa disuwa baneng ba setjhaba sa heno, empa o rate wa heno jwalokaha o ithata. Ke nna Morena.
- Ka baka lena, lekang ka matla ho eketsa tse kgabane tumelong ya lona, le eketse tsebo, ho tse kgabane tsa lona, mme tsebong ya lona le eketse boitshwaro, boitshwarong le eketse mamello, mamellong le eketse borapedi, borapeding le eketse setswalle sa boena, mme setswalleng sa boena le eketse lerato.
- Leha nka fana ka tsohle tseo ke nang le tsona, esita leha nka neelana ka mmele wa ka hore o tjheswe, empa ke se na lerato, ha ho nthuse letho.
- Wena motho wa Modimo, baleha tsena, o habe ho loka, borapedi, tumelo, lerato, tiisetso, mosa.
- Phelang ka lerato, jwalokaha le Kreste a le ratile, mme a tela bophelo ba hae ka baka la lona, hore e be nyehelo le sehlabelo se monko o monate ho Modimo.
- Molaetsa oo le o utlwileng ho tloha tshimolohong o re re rataneng.
- Moo ke reng:
“Leoto la ka le a thella,”
mohau wa hao
o a ntshehetsa, Morena. - Baratuwa, ha e le moo Modimo a re ratile jwalo, le rona re tshwanetse ho ratana.
- Le nne le ratane jwalokaha bana ba motho ba ratana. Se lebaleng ho amohela baeti, hobane, ka ho etsa jwalo, ba bang ba amohetse mangeloi ba sa lemohe.
- “Leha dithaba di ka sisinngwa
le maralla a suthiswa,
lerato la ka le matla ho wena
le ke ke la sisinyeha,
kapa selekane sa ka sa kgotso
sa fediswa,”
ho rialo Morena, yena ya o utlwelang bohloko. - Baratuwa, a re rataneng, hobane lerato le tswa ho Modimo. Mang le mang ya nang le lerato o tswetswe ke Modimo, mme o tseba Modimo.
- Yena a araba, a re: “O tla rata Morena Modimo wa hao ka pelo ya hao yohle, le ka moya wa hao wohle, le ka matla a hao wohle, le ka maikutlo a hao wohle, mme o rate le wa heno jwalokaha o ithata.”
- Le se ke la rata lefatshe le tsa lona. Haeba motho a rata lefatshe, lerato la Ntate ha le yo ka ho yena.
- Hobane mohau wa hao o moholo,
o fihla mahodimong,
le botshepehi ba hao
bo fihla marung. - Haeba le a nthata, le tla boloka ditaelo tsa ka.
- Empa dinthong tsena tsohle re hlola ka mokgwa o phethehileng ka ya re ratileng.
- Ke le nea taelo e ntjha, ya hore le ratane; jwalokaha ke le ratile, le lona le ratane.
- Wena Morena, o molemo,
o a tshwarela;
mohau wa hao o moholo
ho bohle ba ipiletsang ho wena. - Jwale re a tseba hore ba ratang Modimo, ba bitsitsweng ka morero wa hae, tsohle di ba tlisetsa molemo.
- Ya nang le ditaelo tsa ka, mme a di boloka, ke yena ya nthatang; ya nthatang o tla ratwa ke Ntate, le nna ke tla mo rata, mme ke tla iponahatsa ho yena.
- Seo lerato la Modimo le bonahaditsweng ka sona ho rona ke sena: Modimo o ile a romela Mora wa hae ya inotshi lefatsheng, hore re tle re phele ka yena.
- Etswe Molao wohle o akaretswa ka taelo e le nngwe: Rata wa heno jwalokaha o ithata.
Dihlogotaba tša go tswalana
Moagišane
Ya bobedi ke ena...
Molao
Mantswe ana ao ke...
Modimo
Morena Modimo wa hao...
Jesu
Jesu a ba tadima...
Tumelo
Ka baka leo, ke...
Potego
Empa Morena o a...
Temana ya Bibele ya lehono
Bonang, Ntate o re ratile hakaakang, hore re be re bitswe bana ba Modimo, mme re fela re le bona. Ke ka lebaka lena lefatshe le sa re tsebeng, hobane ha le a ka la tseba Modimo.Amogela Temana ya Bibele ya Letšatši ka Letšatši:
Tsebišo ya letšatši ka letšatšiEmeileFacebookAndroid-appWeposaeteng ya gagoTemana ya Bibele ya go se kgethwe ka maikemišetšo
Ya lalang diphoso ka mmeleo qeka ho ratwa,
athe ya di pepesang
yena o senya setswalle.Temana ya go latela!