Ditemana tša Bibele tša go bolela ka Seetša
- Tsoha, phatsima,
hobane sedi la hao le tlile,
tlotla ya Morena
e phatsima hodima hao. - Jesu a boela a bua le bona, a re: “Ke nna lesedi la lefatshe; ya ntatelang ha a ka ke a tsamaya lefifing, empa o tla ba le lesedi la bophelo.”
- Lentswe la hao
ke lebone maotong a ka,
ke lesedi tseleng ya ka. - Lesedi le kganya lefifing, empa lefifi ha le a ka la le hlola.
- Le lesedi la lefatshe. Motse o hahilweng hodima thaba o sitwa ho pateha.
- Morena a le hlohonolofatse,
a le baballe.
Morena a le bontshe
sefahleho sa hae se kganyang kgotso,
a le hauhele.
Morena a le tadime ka lerato,
a le nee kgotso. - Morena ke lesedi la ka
le pholoho ya ka;
nka tshaba mang?
Morena ke setshabelo
sa bophelo ba ka;
nka tshoha mang? - Morena o re laetse tjena:
“ ‘Ke o entse lesedi la ditjhaba,
hore o ise pholoho
le dipheletsong tsa lefatshe!’ ” - Lebone le lona ha le ke be le hotetswe le kwahelwe ka nkgo, empa le bewa sedulwaneng sa lona, le kgantshetse bohle ba ka tlung. Lesedi la lona le ke le kganyetse batho jwalo, ba tle ba bone mesebetsi e metle ya lona, ba be ba tlotlise Ntata lona ya mahodimong.
- Diphiri di senolwa ke yena,
tse mafifing le tsona o a di tseba,
leaho la lesedi le fumanwa ho yena. - Molaetsa oo le ileng la o utlwa ho Mora wa hae, oo re le bolellang wona, ke ona: Modimo ke lesedi, mme ho yena lefifi ha le yo ho hang.
- Qaqiso ya mantswe a hao e a edisa,
ba hlokang mano
e ba nea kutlwisiso. - Ipee matsohong a Morena;
o mo tshepe, ho tla sebetsa yena.
O tla etsa
hore ho loka ha hao ho kganye,
ho kganye jwaloka lesedi,
le ditokelo tsa hao
di kganye jwaloka letsatsi,
motsheare o moholo. - Empa haeba re phela leseding, jwalokaha le yena a le leseding, re a phedisana, mme madi a Jesu, Mora wa hae, a re hlwekisa dibe tsohle.
- Pele le ne le le lefifing, empa kajeno le leseding, hobane le ba Morena. Phelang jwaloka bana ba lesedi.
- Modimo a re: “Lesedi le be teng!” Yaba lesedi le ba teng.
- Empa lona le moloko o kgethehileng, le baprista ba Morena, le mofuta o halalelang, le setjhaba seo a se ruileng. Le kgethetswe ho bolela dintle tsa ya le ntshitseng lefifing, a le bitsetsa leseding la hae le hlollang.
- Modimo a ke a edise mahlo a lona a moya, le tle le tsebe seo pitso ya hae e le tshepisang sona, seo boholo ba tlotla bo leng sona, e leng tlotla eo le tla e ja lefa mmoho le bahalaledi.
- Ha ho ya hotetsang lebone, a le kwahele ka nkgo, kapa a le bee tlasa bethe, empa o le bea sedulwaneng, hore ba kenang ba tle ba bone lesedi.
- Le se ke la kgema le ba sa dumeleng. Ho loka le ho se loke di ka kgotsana jwang? Lesedi le ka kopana jwang le lefifi?
- Ako bontshe mohlanka wa hao,
o mmontshe sefahleho,
sefahleho se kganyang kgotso,
o mpholose ka mohau wa hao. - Neo e nngwe le e nngwe e molemo, le mpho e nngwe le e nngwe e phethehileng, di tswa hodimo, di theoha ho Ramasedi, eo ho yena ho seng phetoho leha e le phifalo.
- Ditholwana tsa lesedi ke tsohle tse molemo, tse lokileng le tsa nnete.
- Ka baka leo, tsohle tseo le di buileng lefifing di tla utlwahala leseding, le tseo le di nyenyeleditseng motho tsebeng dikamoreng tse kahare, di tla phatlalatswa dihlohlolong tsa matlo.
- Hase ka sabole ba hapileng naha eo,
leha e le ho hlola
ka matsoho a bona;
empa e bile
ka tsoho la hao le letona,
le ka sefea sa hao,
le ka ho ba phuthollela
fahleho sa hao,
hobane o ne o ba rata.
Dihlogotaba tša go tswalana
Bophelo
Morena o tla o...
Boebangedi
Morena o re laetse...
Boloki
Ya thahasellang ho loka...
Phološo
Ha ho e mong...
Modimo
Morena Modimo wa hao...
Sebe
Kapa na ha le...