Ditemana tša Bibele tša go bolela ka Tlhwekišo

«»

• Ha ho le jwalo, baratuwa, kaha re etseditswe ditshepiso tse jwalo, a re itlhwekiseng ditshileng tsohle tsa nama le tsa moya, ka ho phethahatsa kgalaletso ya rona, re ntse re tshaba Modimo.
  2 BAKORINTHE 7:1kgalalelotlhomphoditshepišo
• A re: “Se tswang ka ho motho ke sona se mo silafatsang, hobane ke kahare, dipelong tsa batho, moo ho tswang mehopolo e mebe: bohlola, boshodu, dipolao, le bofebe, meharo, bokgopo, thetso, mekgwa e hlabisang dihlong, mona, ketseletso, boikgantsho, le bothoto. Dintho tsena tsohle tse mpe di tswa kahare, mme di silafatsa motho.”
  MAREKA 7:20-23sebemolekopefelo
• Oho, Modimo, ako bope ka ho nna,
  o bope pelo e hlwekileng,
  o kenye moya o motjha, o tiileng,
  o o kenye ka sefubeng sa ka.
  PESALEMA 51:12Moya wa Modimopelo
• Oho, Modimo, ako nkgauhele
  ka mohau wa hao,
  ho ya ka boholo ba lerato la hao
  ako hlakole melato ya ka.
  Ntlhatswisise bokgopo ba ka,
  o ntlhwekise sebe sa ka.
  PESALEMA 51:3-4sebemohau
• Ha re ipolela dibe tsa rona, Modimo o tla re tshwarela tsona, mme a re hlwekise bokgopo bohle, kaha o a tshepahala, mme o lokile.
  1 JOHANNE 1:9sebempeboitsholo
• Atamelang ho Modimo, mme o tla atamela ho lona. Lona baetsadibe, hlatswang matsoho a lona; lona ba qeaqeang, hlwekisang dipelo tsa lona.
  JAKOBO 4:8sebebolokiboitsholo
• Lona le se le hlwekile ka baka la lentswe leo ke le buileng ho lona.
  JOHANNE 15:3Lentšu la Modimogo bolelampe
• Itlhatsweng, le itlhwekise,
  tlosang ketso tsa lona
  tse kgopo mahlong a ka,
  le kgaotse ho etsa bokgopo.
  ESAEA 1:16sebempe
• Empa haeba re phela leseding, jwalokaha le yena a le leseding, re a phedisana, mme madi a Jesu, Mora wa hae, a re hlwekisa dibe tsohle.
  1 JOHANNE 1:7sehlabelosetšhabaseetša
• Baratuwa, jwale re se re le bana ba Modimo, empa seo re tlang ho ba sona ha se eso bonahatswe. Feela re a tseba hore, mohla Kreste a iponahatsang, re tla tshwana le yena, hobane re tla mmona kamoo a leng kateng. Mang le mang ya nang le tshepo ena ho yena, o a itlhwekisa, jwalokaha le yena a hlwekile.
  1 JOHANNE 3:2-3lapalegodimobana
• Ba bangata ba tla hlwekiswa, ba ntlafatswe, ba lekwe. Ba kgopo bona ba tla nne ba etse bokgopo. Ha ho le ya mong wa ba kgopo ya tla utlwisisa, empa ba bohlale bona ba tla utlwisisa.
  DANIELE 12:10sebekwešišobohlale
• Yena o iteletse rona, hore a tle a re lopolle bokgopong bohle, a itlhwekisetse setjhaba seo e tla ba sa hae, se tjhesehelang mesebetsi e metle.
  TITE 2:14sehlabelobotsesebe
• Jwale o diehelang? Ema, o kolobetswe, o hlatsuwe dibe tsa hao ka ho rapela lebitso la hae.
  DIKETSO 22:16kolobetšosebe
• Le lona banna, ratang basadi ba lona, jwalokaha le Kreste a ratile kereke, mme a e teletse bophelo ba hae. O ratile ho e halaletsa, ka ho e hlwekisa ka tlhatsuo ya metsi, le ka lentswe.
  BAEFESE 5:25-26leratoditswalanolenyalo
• Na madi a Kreste ya inyehetseng ho Modimo ka moya wa hae o sa feleng, a se na sekodi, ekaba wona a hlwekisa hakaakang dipelo tsa rona mesebetsing e isang timelong, e le hore re tle re sebeletse Modimo ya phelang?
  BAHEBERU 9:14JesuMoya wa Modimosehlabelo
• Metsi ana ke setshwantsho sa kolobetso e re pholosang jwale. Kolobetso hase ho hlatsuwa ditshila tsa mmele, empa ke ho itlama ho Modimo ka letswalo le kgutsitseng. E le pholosa ka tsoho ya Jesu Kreste.
  1 PETROSE 3:21kolobetšophološogo tsoga bahung
• Mora o kganya ka tlotla ya Modimo, ke setshwantsho sa boleng ba Modimo, mme tsohle o di boloka ka lentswe la hae le matla. Hoba a re hlwekise dibe, a ya dula ka letsohong le letona la Ya Hodimodimo, mahodimong.
  BAHEBERU 1:3sebeLentšu la Modimo
• “Tloong re lokise ditaba,”
  ho rialo Morena.
  “Leha dibe tsa lona
  di ka ba kgubedu,
  di tla sweufala jwaloka lehlwa;
  leha di ka ba kgubedu tlere!
  di tla sweufala jwaloka boya.”
  ESAEA 1:18sebetshwarelomadi
• Modimo, o ile wa re hlahloba,
  wa re hlwekisa seboping
  jwaloka silefera.
  PESALEMA 66:10molekotlaišego
• Joshua a re: “Ha ho le jwalo, furallang medimo esele, e teng hara lona, mme le lebise dipelo tsa lona ho Morena Modimo wa Iseraele.”
  JOSHUA 24:23medimo e šelepelo