Amavesi EBhayibheli ngomndeni

«»

• Lawa mazwi engikuyala ngawo namuhla ayakuba senhliziyweni yakho, ubafundise impela wona abantwana bakho, uwakhulume lapho uhlezi endlini yakho, nalapho uhamba endleleni, nalapho ulala, nalapho uvuka.
  UDuteronomi 6:6-7umthethoizingane
• Bona bathi: “Kholwa yiNkosi uJesu, yikhona uzakusindiswa wena nendlu yakho.”
  IzEnzo 16:31inkoloinsindisoizingane
• Kepha ngiyanincenga, bazalwane, ngegama leNkosi yethu uJesu Kristu ukuba nikhulume zwilinye nonke, kungabikho ukwahlukana phakathi kwenu, kodwa nipheleliswe emqondweni munye nasekuboneni kunye.
  1 kwabaseKorinte 1:10umphakathiizinguqukoongenasici
• Ndodana yami,
  gcina umyalo kayihlo,
  ungawushiyi umthetho kanyoko.
  IzAga 6:20ukulalela umthethoukulalela
• Bheka, kuhle, kumnandi kangaka
  ukuba abazalwane bahlalisane ndawonye bemunye.
  AmaHubo 133:1ubunganiumphakathi
• Uma umuntu esho ukuthi: “Ngiyamthanda uNkulunkulu,” kepha ezonda umzalwane wakhe, ungumqambimanga; ngokuba ongathandi umzalwane wakhe ambonileyo angemthande uNkulunkulu angambonanga.
  1 kaJohane 4:20uthandoUNkulunkulu
• Kepha umusa kaJehova uphezu kwabamesabayo kwaphakade kuze kube phakade,
  nokulunga kwakhe kubantwana babantwana,
  kubo abagcina isivumelwano sakhe
  bekhumbula iziyalezo zakhe ukuba bazenze.
  AmaHubo 103:17-18thembekileumthethoisivumelwano
• Owesifazane angakhohlwa umntwana wakhe oncelayo
  ukuba angabi namusa kuyo indodana yesizalo sakhe na?
  Yebo, bona bangakhohlwa,
  kodwa mina anginakukukhohlwa wena.
  Bheka, ezandleni zami ngikubhalile,
  izingange zakho ziphambi kwami njalo.
  U-Isaya 49:15-16uthandoizinganeububele
• Kepha-ke uma umuntu engabondli abakubo, kakhulu abakwakhe, ukulahlile ukukholwa, mubi kunongakholwayo.
  1 kuThimothewu 5:8ubudlelwanoizingane
• Khulisa umntwana ngendlela eyakuba ngeyakhe;
  kuyakuthi lapho esekhulile,
  angasuki kuyo.
  IzAga 22:6ukulungaizingane
• Nani boyise, ningabathukuthelisi abantwana benu, kodwa nibondle ngokuyala nangokuqondisa kweNkosi.
  Kwabase-Efesu 6:4umthethoizingane
• Yazisa uyihlo nonyoko, ukuze izinsuku zakho zibe zinde ezweni uJehova uNkulunkulu wakho akunika lona.
  U-Eksodusi 20:12UNkulunkuluisibusiso
• Abantwana babantwana bangumqhele wabadala,
  nodumo lwabantwana lungoyise.
  IzAga 17:6izingane
• Umngane uthanda ngezikhathi zonke,
  nomzalwane uzalwa ekuhluphekeni.
  IzAga 17:17ubunganiubudlelwano
• UJehova uNkulunkulu wethu makabe nathi njengalokho ayenawobaba; makangasishiyi, angasilahli.
  1 AmaKhosi 8:57ukusondelathembekile
• Umuntu wabangane uyazilimaza,
  kepha kukhona abangane ababambelela kuneselamani.
  IzAga 18:24ubungani
• Uma kukubi emehlweni enu ukumkhonza uJehova, khethani namuhla ukuthi ngubani eniyakumkhonza, noma onkulunkulu ababakhonzayo oyihlo besengaphesheya koMfula, noma onkulunkulu bama-Amori enihlala ezweni lawo; kepha mina nendlu yami siyakumkhonza uJehova.
  UJoshuwa 24:15izithombe ezibaziweyoukulandelaukukhonza
• Bathandekayo, manje singabantwana bakaNkulunkulu, kepha akukabonakali esiyakuba yikho. Siyazi ukuthi, nxa ebonakaliswa, siyakuba njengaye, ngokuba siyakumbona njengokuba enjalo. Bonke abanalo lelo themba kuye bayazihlambulula, njengokuba yena ehlambulukile.
  1 kaJohane 3:2-3ukuhlanzwaizuluizingane
• Ngakho-ke uma nina eningababi nikwazi ukubapha abantwana benu izipho ezinhle, kakhulu kangakanani uYihlo osezulwini uzakubapha abacela kuye uMoya oNgcwele.
  NgokukaLuka 11:13UMoyaumkhulekoisisa
• Uyise wolungileyo uyakwethaba nokwethaba,
  nozala ohlakaniphileyo uyathokoza ngaye.
  IzAga 23:24injabuloinhlakanipho
• Ndodana yami,
  uma inhliziyo yakho ihlakanipha,
  inhliziyo yami iyakuthokoza,
  yebo, eyami.
  IzAga 23:15inhlakaniphoinhliziyoinjabulo
• Indodana ehlakaniphileyo ithokozisa uyise,
  kepha indodana eyisiwula ilusizi kunina.
  IzAga 10:1injabuloinhlakaniphoukudabuka
• Ungashiyi umngane wakho nomngane kayihlo,
  ungangeni endlini yomfowenu ngosuku lwengozi yakho;
  ungcono umakhelwane oseduze kunomfowenu okude.
  IzAga 27:10ubunganiumakhelwane
• Ungabulali, ungaphingi, ungebi, ungafakazi amanga; yazisa uyihlo nonyoko; wothanda umakhelwane wakho njengalokhu uzithanda wena.
  NgokukaMathewu 19:18b-19umthethouthandothembekile