- Die gras verdor, die blom verwelk;
maar die woord van onse God hou stand in ewigheid. - Hy alleen is my rots en my heil,
my rotsvesting; ek sal nie grootliks wankel nie. - Die Here is regverdig in al sy weë
en goedgunstig in al sy werke. - So sal my woord wees wat uit my mond uitgaan:
dit sal nie leeg na My terugkeer nie,
maar doen wat My behaag
en voorspoedig wees in alles waartoe Ek dit stuur. - Die weg van die Here is vir die opregte 'n vesting,
maar 'n ondergang vir die werkers van ongeregtigheid. - Hou valsheid en leuentaal ver van my af;
gee my nie armoede of rykdom nie,
laat my geniet die brood wat vir my bestem is. - God is getrou, deur wie julle geroep is tot die gemeenskap met sy Seun Jesus Christus, onse Here.
- Hy het geregtigheid en reg lief;
die aarde is vol van die goedertierenheid van die Here. - God is geen man dat Hy sou lieg nie; of 'n mensekind dat dit Hom sou berou nie. Sou Hý iets sê en dit nie doen nie, of spreek en dit nie waar maak nie?
- Die hele inhoud van u woord is waarheid,
en al u regverdige verordeninge is tot in ewigheid. - Ek sal julle nie as wese agterlaat nie; Ek kom weer na julle toe.
- Die hemel en die aarde sal verbygaan, maar my woorde sal nooit verbygaan nie.
- Keer terug na My, spreek die Here van die leërskare, en Ek sal na julle terugkeer, sê die Here van die leërskare.
- Kyk, sy siel is opgeblase in hom en nie reg nie.
Maar die regverdige, deur sy geloof sal hy lewe. - Dit is 'n betroubare woord;
want as ons met Hom gesterf het,
sal ons ook met Hom lewe. - Leer my, Here, u weg:
ek sal in u waarheid wandel;
verenig my hart tot die vrees van u Naam. - En kyk, ek gaan vandag die weg van die ganse aarde, maar julle moet erken met jul hele hart en met jul hele siel dat nie een woord van al die goeie woorde wat die Here julle God oor julle gespreek het, onvervuld gebly het nie; alles het vir julle uitgekom, nie een woord daarvan het onvervuld gebly nie.
- Want die Here Here doen niks
tensy Hy sy raadsbesluit aan sy knegte,
die profete, geopenbaar het nie. - Want wie is God buiten die Here,
en wie 'n rots buiten onse God? - Want voorwaar Ek sê vir julle, voordat die hemel en die aarde verbygaan, sal nie een jota of een titteltjie van die wet ooit verbygaan totdat alles gebeur het nie.
- 'n Betroubare getuie lieg nie,
maar 'n valse getuie strooi leuens uit. - En skeur julle hart en nie julle klere nie,
en bekeer julle tot die Here julle God;
want Hy is genadig en barmhartig,
lankmoedig en groot van goedertierenheid,
en Een wat berou het oor die onheil. - Mag die Here onse God met ons wees soos Hy met ons vaders gewees het; mag Hy ons nie verlaat en ons nie verwerp nie.
- Valse lippe is vir die Here 'n gruwel,
maar Hy het 'n welbehae in die wat getrou handel. - Jy mag nie doodslaan nie, jy mag nie egbreek nie, jy mag nie steel nie, jy mag geen valse getuienis gee nie; eer jou vader en moeder; en: Jy moet jou naaste liefhê soos jouself.
