- God is vir ons 'n toevlug en sterkte;
as hulp in benoudhede is Hy in hoë mate beproef. - En tot die ouderdom toe is Ék dieselfde,
ja, tot die grysheid toe sal Ek julle dra;
Ék het dit gedoen, en Ék sal julle opneem,
en Ék sal dra en red. - Laat ons die belydenis van die hoop onwankelbaar vashou, want Hy wat dit beloof het, is getrou.
- Want die Skrif sê: Elkeen wat in Hom glo, sal nie beskaam word nie.
- Want die Here het die reg lief
en sal sy gunsgenote nie verlaat nie;
vir ewig word hulle bewaar,
maar die nageslag van die goddelose word uitgeroei. - Die Here is met julle as julle met Hom is, en as julle Hom soek, sal Hy Hom deur julle laat vind; maar as julle Hom verlaat, sal Hy julle verlaat.
- En alles wat julle in die gebed vra, sal julle ontvang as julle glo.
- Wees sterk en vol moed; wees nie bevrees en word nie verskrik vir hulle nie; want dit is die Here jou God wat saam met jou trek; Hy sal jou nie begewe of verlaat nie.
- En hulle wat u Naam ken, sal op U vertrou,
omdat U die wat U soek, nie verlaat nie, o Here! - Jesus Christus is gister en vandag dieselfde en tot in ewigheid.
- Maar wie roem, moet in die Here roem. Want nie hy wat homself aanbeveel, dié is beproef nie, maar hy wat deur die Here aanbeveel word.
- Want u goedertierenheid is groot tot by die hemele
en u trou tot by die wolke. - Want die woord van die Here is reg,
en al sy werk is met trou. - Want berge mag wyk en heuwels wankel,
maar my goedertierenheid sal van jou nie wyk
en my vredeverbond nie wankel nie,
sê die Here, jou Ontfermer. - As ek dink: My voet wankel —
dan ondersteun u goedertierenheid my, o Here! - In enige moeitevolle arbeid is voordeel,
maar praatjies is net tot gebrek. - O Liefhebbers van die Here, haat die kwaad!
Hy bewaar die siele van sy gunsgenote,
Hy red hulle uit die hand van die goddelose. - Die Rots — volkome is sy werk;
want al sy weë is strafgerigte;
'n God van trou en sonder onreg;
regverdig en reg is Hy. - Daarom, sê vir hulle: So spreek die Here Here: Geeneen van my woorde sal meer uitgestel word nie; wat Ek as woord spreek, dit sal gebeur, spreek die Here Here.
- Hy sal jou dek met sy vlerke,
en onder sy vleuels sal jy skuil;
sy trou is 'n skild en pantser. - Laat jou oë reguit kyk
en jou ooglede hulle reg voor jou uit hou. - Laat u goedertierenheid, Here,
oor ons wees net soos ons op U wag! - U, o Here, sal u barmhartighede van my nie terughou nie;
laat u goedertierenheid en u trou my altyddeur behoed. - Want wie is God buiten die Here,
en wie is 'n rots behalwe onse God? - O Here, hoor my gebed;
luister tog na my smekinge;
verhoor my in u trou, in u geregtigheid.
