Levitikosy

Andin-teny ao amin'ny Baiboly malaza indrindra

Ary tandremo ny didiko, ka araho izany: Izaho no Jehovah.
Levitikosy 22:31 lalàna fankatoavana Andriamanitra
Aza mankahala ny rahalahinao amin'ny fonao; mananara dia mananara ny namanao, mba tsy hahazoanao heloka noho ny aminy. Aza mamaly ratsy na manao lolompo amin'izay iray firenena aminao: fa tiava ny namanao tahaka ny tenanao: Izaho no Jehovah.
Levitikosy 19:17-18 fitiavana fahamoram-panahy hatezerana
Ary aoka ho masina ho Ahy ianareo, satria masina Aho Jehovah; ary efa navahako tamin'ny firenena samy hafa ianareo mba ho Ahy.
Levitikosy 20:26 fahamasinana fiainana
Ary raha misy olona manota, satria manao izay tsy tokony hatao ka mandika ny anankiray amin'ny didin'i Jehovah, nefa tsy fantany izany, ka mahameloka azy, ary mitondra ny helony izy.
Levitikosy 5:17 fahotana lalàna sazy
Tandremo ny Sabatako, ary hajao ny fitoerako masina: Izaho no Jehovah.
Levitikosy 26:2 sabata
Koa raha meloka amin'ny anankiray amin'ireo izy, dia hiaiky izay zavatra nanotany.
Levitikosy 5:5 fibabohana fahotana
Henemana no hanaovana raharaha; fa ny andro fahafito dia tena andro fitsaharana, dia fivoriana masina; aza manao raharaha akory ianareo, fa Sabata ho an'i Jehovah eny amin'izay fonenanareo rehetra izany.
Levitikosy 23:3 sabata
Raha manaraka ny lalàko sy mitandrina ny didiko ianareo ka mankatò izany, dia hanome anareo ranonorana amin'ny fotoany Aho, ka hahavoka-javatra ny tany, ary hamoa ny hazo any an-tsaha.
Levitikosy 26:3-4 fankatoavana lalàna fitahiana