Amavesi EBhayibheli ngokuzila ukudla

«»

• Sase sizila-ke, sanxusa uNkulunkulu wethu ngalokho, wasizwa.
  U-Ezra 8:23umkhuleko
• Akusikho lokhu kuzila engikukhethileyo yini:
  ukuthukulula izibopho zobubi
  nokuxegisa imichilo yejoka;
  ukukhulula abacindezelwayo
  nokwaphula onke amajoka na?
  U-Isaya 58:6umakhelwaneubugqila
• Kepha wena, nxa uzila, gcoba ikhanda lakho, ugeze ubuso bakho, ukuze ungabonakali kubantu ukuthi uzilile kodwa kuYihlo osekusithekeni; noYihlo obona ekusithekeni uzakukuvuza.
  NgokukaMathewu 6:17-18UBabaumvuzo
• “Kepha manje,” usho uJehova,
  “phendukelani kimi ngenhliziyo yenu yonke,
  nangokuzila ukudla, nangokukhala,
  nangokulila.”
  UJoweli 2:12ukuguqulwaukudabukainhliziyo
• Futhi nxa nizila ukudla, ninganyukumali njengabazenzisi; ngokuba bona banyakamisa ubuso babo, ukuze babonakale kubantu ukuthi bazilile. Ngiqinisile ngithi kini: Sebewamukele umvuzo wabo.
  NgokukaMathewu 6:16ukuthobekaumvuzo
• Ngangingadli isinkwa esithandiweyo, nenyama newayini akungenanga emlonyeni wami, futhi angizigcobanga nakanye kwaze kwaphelela amasonto amathathu.
  UDaniyeli 10:3ukudlaiwayini
• Khona bazila ukudla bakhuleka, babeka izandla phezu kwabo, babamukisa.
  IzEnzo 13:3isibusisoumkhuleko
• UJesu egcwele uMoya oNgcwele wabuya eJordani, waholekela ngoMoya ehlane, elingwa nguSathane izinsuku ezingamashumi amane. Akadlanga lutho kulezo zinsuku; seziphelile, walamba.
  NgokukaLuka 4:1-2isilingoUJesuusathane
• Kwathi bekhonza iNkosi, bezila, uMoya oNgcwele wathi: “Ngahlukaniseleni oBarnaba noSawulu ukuba baye emsebenzini engibabizele wona.”
  IzEnzo 13:2khulekelaUMoyaumkhuleko
• Wayelapho noJehova izinsuku ezingamashumi amane nobusuku obungamashumi amane, kadlanga lutho, kaphuzanga manzi. Waloba ezibhebheni amazwi esivumelwano, imiyalelo eyishumi.
  U-Eksodusi 34:28ukusondelaumthethoIZwi likaNkulunkulu
• Hambani nibuthe bonke abaJuda abakhona eShushani, ningizilele ukudla, ningadli, ningaphuzi izinsuku ezintathu ubusuku nemini; nami nezintombi zami siyakuzila kanjalo, ngingene enkosini noma kungengamthetho; uma ngibhubha, mangibhubhe.
  U-Esteri 4:16