Bybelverse oor Nabyheid
- Die Here is met julle as julle met Hom is, en as julle Hom soek, sal Hy Hom deur julle laat vind; maar as julle Hom verlaat, sal Hy julle verlaat.
- Vra na die Here en sy sterkte;
soek sy aangesig altyddeur. - Hulle roep, en die Here hoor,
en Hy red hulle uit al hul benoudhede.
Die Here is naby die wat gebroke is van hart,
en Hy verlos die wat verslae is van gees. - En mag Hy, die Here van die vrede, julle altyd vrede gee op allerlei wyse! Mag die Here met julle almal wees!
- Laat julle vriendelikheid aan alle mense bekend word. Die Here is naby.
- Een ding het ek van die Here begeer,
dit sal ek soek:
dat ek al die dae van my lewe
mag woon in die huis van die Here,
om die lieflikheid van die Here te aanskou
en te ondersoek in sy tempel. - U sal my die pad van die lewe bekend maak;
versadiging van vreugde is voor u aangesig,
lieflikhede in u regterhand, vir ewig. - Maar nou in Christus Jesus het julle wat vroeër ver was, naby gekom deur die bloed van Christus.
- Hieraan weet ons dat ons in Hom bly en Hy in ons, dat Hy ons van sy Gees gegee het.
- Soek die Here terwyl Hy nog te vinde is;
roep Hom aan terwyl Hy naby is. - Vra na die Here en sy sterkte;
soek sy aangesig altyddeur. - Ek sal julle nie as wese agterlaat nie; Ek kom weer na julle toe.
- Net goedheid en guns sal my volg
al die dae van my lewe;
en ek sal in die huis van die Here bly
in lengte van dae. - Verder, broeders, wees bly; word volmaak; laat julle vermaan; wees eensgesind; hou vrede, en die God van liefde en vrede sal met julle wees.
- Want 'n dag in u voorhowe is beter as duisend;
ek wil liewer by die drumpel staan in die huis van my God
as om te woon in die tente van goddeloosheid. - Mag die Here onse God met ons wees soos Hy met ons vaders gewees het; mag Hy ons nie verlaat en ons nie verwerp nie.
- Maar in u grote barmhartigheid het U hulle nie volkome vernietig en hulle nie verlaat nie, want U is 'n genadige en barmhartige God.
- Niemand het ooit God gesien nie; die eniggebore Seun wat in die boesem van die Vader is, dié het Hom verklaar.
- En maak die siekes gesond wat daarin is, en sê vir hulle: Die koninkryk van God het naby julle gekom.
- En hy was daar by die Here veertig dae en veertig nagte; hy het geen brood geëet en geen water gedrink nie. En Hy het op die tafels die woorde van die verbond, die tien woorde, geskrywe.
- Wie my vlees eet en my bloed drink, bly in My en Ek in hom.
- Bekeer julle, want die koninkryk van die hemele het naby gekom.
- My siel dors na God, na die lewende God;
wanneer sal ek ingaan en voor die aangesig van God verskyn?
