Andinin-teny ao amin'ny Baiboly momba ny fiovana

«»

• Fa isika rehetra kosa amin'ny tava tsy misarona dia mijery ny voninahitry ny Tompo toy ny amin'ny fitaratra, ka ovana hahazo izany endrika izany indrindra avy amin'ny voninahitra ka ho amin'ny voninahitra, toy ny avy amin'ny Tompo, dia ny Fanahy.
  2 Korintiana 3:18Fanahy
• Ary aza manaraka ny fanaon'izao tontolo izao; fa miovà amin'ny fanavaozana ny saina, hamantaranareo ny sitrapon'Andriamanitra, dia izay tsara sady ankasitrahana no marina.
  Romana 12:2lafatrafankatoavanafiainana
• Ary ny Tompo anie hanitsy lalana ny fonareo ho amin'ny fitiavana an'Andriamanitra sy ho amin'ny faharetan'i Kristy.
  2 Tesaloniana 3:5fitiavanafanarahanamahatoky
• Fa ny vokatry ny Fanahy kosa dia fitiavana, fifaliana, fiadanana, fahari-po fahamoram-panahy, fanaovan-tsoa, fahamarinana, fahalemem-panahy, fahononam-po; tsy misy lalàna manohitra izany.
  Galatiana 5:22-23lalànaFanahyfitahiana
• Koa vonoy ny momba ny tenanareo izay etỳ an-tany, dia fijangajangana, fahalotoana, firehetam-po, fanirian-dratsy ary fieremana, dia fanompoan-tsampy izany.
  Kolosiana 3:5fahotanafanirianafitiavan-karena
• Ary mananatra anareo aho, ry rahalahy, amin'ny anaran'i Jesosy Kristy Tompontsika, mba hiray teny ianareo rehetra, ka tsy hisy fisarahana eo aminareo, fa mba ho tafakambana tsara ianareo hiray saina sy hevitra.
  1 Korintiana 1:10fiaraha-moninaankohonanalafatra
• Fa na iza na iza no misotro ny rano izay homeko azy dia tsy hangetaheta mandrakizay; fa ny rano izay homeko azy dia ho loharano miboiboika ao anatiny ho fiainana mandrakizay.
  Jaona 4:14fiainana mandrakizayfahazoana
• Ary ny fonareo no triatriaro,
  fa aza ny fitafianareo,
  ary miverena amin'i Jehovah Andriamanitrareo;
  Fa mamindra fo sy miantra Izy,
  mahari-po sady be famindram-po
  ary manenina ny amin'ny loza.
  Joela 2:13fofahasoavanafitiavana
• Koa mibebaha ianareo, ka miverena hamonoana ny fahotanareo, mba ho avy izay andro famelombelomana avy amin'ny fanatrehan'ny Tompo.
  Asan'ny Apostoly 3:19fiovam-pofahotanafamelàn-keloka
• Aza mifandainga ianareo, fa efa narianareo ny toetra taloha mbamin'ny asany; ary efa notafinareo ny toetra vaovao, izay havaozina ho amin'ny fahalalana tsara araka ny endrik'izay nahary azy.
  Kolosiana 3:9-10laingafiainanafiovam-po
• Fa fony mbola tsy nanan-kery isika, dia maty Kristy tamin'ny fotoan'andro hamonjy ny ratsy fanahy.
  Romana 5:6soronaJesosy
• Ary tamin'izany andro izany dia nanomboka nitori-teny Jesosy ka nanao hoe: Mibebaha ianareo, fa efa akaiky ny fanjakan'ny lanitra.
  Matio 4:17Jesosyfiovam-pofitoriana ny filazantsara
• Ary hoy Petera taminy: Mibebaha, ary aoka samy hatao batisa amin'ny anaran'i Jesosy Kristy ianareo rehetra mba hahazo famelana ny helokareo; ary ianareo handray ny fanomezana, dia ny Fanahy Masina.
  Asan'ny Apostoly 2:38famelàn-kelokaFanahybatisa