- Ho lehlohonolo
ba futsanehileng moyeng,
hobane Mmuso wa mahodimo
ke wa bona. - Ho lehlohonolo ba mahlomoleng,
hobane ba tla tshediswa. - Ho lehlohonolo
ba lapetseng ho loka,
ba ho nyoretsweng,
hobane ba tla kgotsofatswa. - Ho lehlohonolo
ba pelo di hlwekileng,
hobane ba tla bona Modimo. - Ho lehlohonolo ba bopang kgotso,
hobane ba tla bitswa
bana ba Modimo. - Ho lehlohonolo
ba hlorisetswang ho loka,
hobane Mmuso wa mahodimo
ke wa bona. - Le lehlohonolo ha le hlapaolwa, le hloriswa, le etseletswa ka mekgwa yohle ka baka la ka.
- Le letswai la lefatshe, empa ha letswai le ka tapa, le ka tswaifatswa kang? Ha le sa na thuso, haese hore le lahlelwe kantle, le hatakelwe ke batho.
- Le lesedi la lefatshe. Motse o hahilweng hodima thaba o sitwa ho pateha.
- Lebone le lona ha le ke be le hotetswe le kwahelwe ka nkgo, empa le bewa sedulwaneng sa lona, le kgantshetse bohle ba ka tlung. Lesedi la lona le ke le kganyetse batho jwalo, ba tle ba bone mesebetsi e metle ya lona, ba be ba tlotlise Ntata lona ya mahodimong.
- Le se ke la nahana hore ke tlile ho fedisa Molao kapa Baporofeta; ha ke a tla ho di fedisa, ke mpa ke tlile ho di phethahatsa.
- Kannete ke a le bolella: ho fihlela lehodimo le lefatshe di fela, ha ho ka ke ha fetoha tlhakunyana e le nngwe leha e le letshwaonyana le le leng Molaong, ho fihlela tsohle di etsahala.
- Ha ho le jwalo, mang le mang ya tlolang leha e le nngwe ya ditaelo tsena tse nyenyane, mme a ruta batho ho etsa jwalo, o tla bitswa e monyenyane Mmusong wa mahodimo, empa mang le mang ya di phethang, mme a di ruta, yena o tla bitswa e moholo Mmusong wa mahodimo.
- Le utlwile hore ho ile ha thwe: ‘O se ke wa feba.’ Empa nna ke re ho lona: Mang kapa mang ya tadimang mosadi ka ho mo lakatsa o se a mo febile pelong ya hae.
- Haeba leihlo la hao le letona le o dihela sebeng, le honye, o le lahle, hobane ho molemo ho wena ha ho ka timela setho se le seng sa hao, ho ena le hore mmele wohle wa hao o lahlelwe diheleng.
- Empa nna ke re ho lona: Le se ke la hlapanya le hanyenyane, leha e le ka lehodimo, kahobane ke terone ya Modimo; leha e le ka lefatshe, kahobane ke bonamelo ba maoto a hae; leha e le ka Jerusalema, kahobane ke motse wa Kgosi e kgolo.
- Ha le re ‘e’, le re ‘e’; ha le re ‘tjhe’, le re ‘tjhe’; ha e le ho fetang hoo, ho tswa ho E Mobe.
- Empa nna ke re ho lona: Ratang dira tsa lona, le rapelle ba le hlorisang.
- Ha ho le jwalo, phethehang jwalokaha Ntata lona ya mahodimong a phethehile.
Dihlogotaba tša go tswalana
Tšhegofatšo
Morena a le hlohonolofatse...
Legodimo
Mohla ho hlahang taelo...
Mmušo
Kapa na ha le...
Boloki
Ya thahasellang ho loka...
Tlhomaro
Efela bohle ba ratang...
Sebe
Kapa na ha le...