Amavesi EBhayibheli ngesibusiso

«»

• UJehova makakubusise, akulondoloze;
  uJehova makakhanyise ubuso bakhe phezu kwakho,
  abe nomusa kuwe;
  uJehova makaphakamise ubuso bakhe phezu kwakho,
  akuphe ukuthula.
  UNumeri 6:24-26umusaukuthulainkazimulo
• Ubusisiwe umuntu othemba kuJehova,
  nothemba lakhe linguJehova.
  Ngokuba uyakuba njengomuthi otshalwe ngasemanzini,
  ozenabisa izimpande zawo ngasemfuleni,
  ongesabi lapho kufika ukushisa,
  amaqabunga awo abe luhlaza,
  angabi naluvalo ngomnyaka wesigagadu,
  anganqamuki ukuthela izithelo.
  UJeremiya 17:7-8ukwethembaukuthela
• Makakunike njengokwenhliziyo yakho,
  afeze icebo lakho lonke.
  AmaHubo 20:4ukuhlelainhliziyo
• Gingqela kuJehova imisebenzi yakho,
  ukuze kuqiniswe amasu akho.
  IzAga 16:3ukwethembaukuhlelaumsebenzi
• “Ngokuba ngiyazi mina imicabango engiyicabanga ngani,” usho uJehova, “imicabango yokuthula kungengeyobubi ukuba ngininike isikhathi esizayo nethemba.”
  UJeremiya 29:11ukuhlelangiyethembaizethembiso
• UNkulunkulu wami uzakugcwalisa ukuswela konke kwenu njengokwengcebo yakhe ekukhazimuleni kuKristu Jesu.
  KwabaseFilipi 4:19ukwethembaUJesu
• Niyakumkhonza uJehova uNkulunkulu wenu, abusise ukudla kwenu namanzi enu; ngiyakususa izifo phakathi kwenu.
  U-Eksodusi 23:25khulekelaukugulaimpilo
• Yizwani nibone ukuthi uJehova muhle;
  ubusisiwe lowo muntu ophephela kuye.
  AmaHubo 34:8UNkulunkuluukuphumula
• Ngokukuyala namuhla ukuba umthande uJehova uNkulunkulu wakho, uhambe ngezindlela zakhe, ugcine imiyalo yakhe, nezimiso zakhe, nezahlulelo zakhe, ukuze uphile, wande, uJehova uNkulunkulu wakho akubusise ezweni ongena kulo ukulidla.
  UDuteronomi 30:16umthethoukuphila
• UJehova ungumalusi wami,
  angiyikuswela.
  Uyangilalisa emadlelweni aluhlaza;
  uyangiyisa ngasemanzini okuphumula.
  AmaHubo 23:1-2ukuphumulaukuncika
• Onakekela izwi uyakufumana okuhle,
  nowethembayo kuJehova ubusisiwe.
  IzAga 16:20ukwethembaukulalela
• Babusiseni abanizingelayo; busisani, ningaqalekisi.
  KwabaseRoma 12:14ushushiso
• Kepha uNkulunkulu unamandla okunipha umusa wonke uvame, ukuze kuthi ninokwanela konke ezintweni zonke ngezikhathi zonke, nivame imisebenzi yonke emihle.
  2 kwabaseKorinte 9:8ukukhathazekaokuhleumsebenzi
• Yeka ubukhulu bomusa wakho
  obagodlele wona abakwesabayo,
  owenzele bona ababalekela kuwe,
  phambi kwabantwana babantu.
  AmaHubo 31:19ukwethembauvaloumhlaba
• Umusa weNkosi yethu uJesu Kristu mawube nomoya wenu.
  KuFilemoni 1:25umusaUJesu
• Kepha ngithi kini enizwayo: Thandani izitha zenu, nenze okuhle kwabanizondayo, nibusise abaniqalekisayo, nibakhulekele abanidumazayo.
  NgokukaLuka 6:27-28ukulalela umthethoumkhuleko
• Sithandwa, kunakho konke ngikufisela ukuba ube nenhlanhla nokuphila, njengokuba umphefumulo wakho unenhlanhla.
  3 kaJohane 1:2umkhulekoumphefumuloukugula
• Isibusiso sikaJehova siyacebisa;
  akenezeli usizi kuso.
  IzAga 10:22imaliukuncikaumsebenzi
• Ningaphindisi okubi ngokubi nokuthuka ngokuthuka, kepha kakhulu manibusise, ngokuba nabizelwa lokho ukuba nidle ifa lokubusiswa.
  1 kaPetru 3:9ukukhulumaubizo
• Kepha izithelo zikaMoya ziluthando, nokujabula, nokuthula, nokubekezela, nobubele, nobuvi, nokukholeka, nobumnene, nokuzithiba. Akukho mthetho omelana nokunjalo.
  KwabaseGalathiya 5:22-23umthethoUMoyaubumnene
• Kuyakuthi uma ulalela nokulalela izwi likaJehova uNkulunkulu wakho, uqaphele ukuyenza yonke imiyalo yakhe engikuyala ngayo namuhla, uJehova uNkulunkulu wakho akuphakamise phezu kwazo zonke izizwe zomhlaba.
  UDuteronomi 28:1umthethoukulalela umthetho
• Umusa weNkosi uJesu Kristu mawube nomoya wenu.
  KwabaseFilipi 4:23umusaUJesu
• Babusisiwe abalambele,
  bomele ukulunga,
  ngokuba bayakusuthiswa.
  NgokukaMathewu 5:6ukulungaukwamukelaukudla
• Babusisiwe abagcina ubufakazi bakhe,
  abamfuna ngenhliziyo yonke.
  AmaHubo 119:2ukufunainhliziyo
• Makwandiswe kini umusa nokuthula nothando.
  EkaJuda 1:2uthandoukuthula