Amavesi EBhayibheli ngeZulu

«»

• Ngokuba iNkosi uqobo iyakwehla ezulwini ngezwi lenhlokomo, ngephimbo lengelosi enkulu nangecilongo likaNkulunkulu, nabafileyo kuKristu bayakuvuka kuqala, khona thina, esisekhona sisasele siyakuhlwithwa kanye nabo emafwini, sihlangabeze iNkosi emoyeni; kanjalo-ke siyakuba nayo iNkosi njalo.
  1 kwabaseThesalonika 4:16-17insindisoukufaizingelosi
• Ekhaya likaBaba kukhona izindlu eziningi; uma bekungenjalo, bengiyakunitshela ukuthi ngiya ukunilungisela indawo.
  NgokukaJohane 14:2UJesuUBabaukwenyuka
• Nakani okwaphezulu, ninganaki okusemhlabeni.
  KwabaseKolose 3:2ingqondoumhlaba
• Kepha thina singabombuso wasezulwini, lapho futhi silindela khona ukuba kuvele uMsindisi, iNkosi uJesu Kristu.
  KwabaseFilipi 3:20insindisoUJesu
• Nginobani ezulwini na?
  Uma nginawe, angifuni lutho emhlabeni.
  AmaHubo 73:25ukwethembaUNkulunkulukhulekela
• Amazulu ayalanda ngenkazimulo kaJehova,
  nomkhathi ushumayela umsebenzi wezandla zakhe.
  Usuku luyalandisa usuku inkulumo,
  nobusuku bushumayeza ubusuku ukwazi.
  AmaHubo 19:1-2khulekela
• Konke kunesikhathi sakho,
  yonke indaba inomzuzu wayo phansi kwezulu.
  UmShumayeli 3:1ukuhlelaukuphila
• Ningazibekeleli ingcebo emhlabeni, lapho kona inundu nokugqwala, nalapho amasela efohla khona, ebe. Kepha zibekeleleni ingcebo ezulwini, lapho kungoni inundu nokugqwala, nalapho amasela engafohli khona, ebe.
  NgokukaMathewu 6:19-20ukwemanaukuthanda izinto ezibambekayo
• INkosi iyakungikhulula kuyo yonke imisebenzi emibi, ingisindise, ngize ngifike embusweni wayo osezulwini; makube kuyo inkazimulo kuze kube phakade naphakade. Amen.
  2 kuThimothewu 4:18ukuvikelaokubikhulekela
• Kuyakudlula izulu nomhlaba, kepha amazwi ami awasoze adlula.
  NgokukaMathewu 24:35thembekileIZwi likaNkulunkuluukuphela kwesikhathi
• Ngokuba siyazi ukuthi uma indlu yethu yasemhlabeni eyidokodo idilizwa, sinesakhiwo esivela kuNkulunkulu, indlu engenziwanga ngezandla, eyaphakade, esezulwini.
  2 kwabaseKorinte 5:1umzimbaukuphilaukufa
• Ngokuba asibambene negazi nenyama, kodwa sibambene nemibuso, namandla, nababusi bezwe balobu bumnyama, nabawomoya bobubi emkhathini.
  Kwabase-Efesu 6:12UMoyaokubiukuzithiba
• Kwathi eseshilo lokho, wakhushulwa bebuka; ifu lamsusa emehlweni abo.
  IzEnzo 1:9izimangalisoUJesuukwenyuka
• Phakama, Nkulunkulu,
  phezu kwezulu,
  inkazimulo yakho ibe phezu komhlaba wonke.
  AmaHubo 108:5khulekela
• UJesu wayesethi: “Vumelani abantwana, ningabenqabeli ukuza kimi, ngokuba umbuso wezulu ungowabanjalo.”
  NgokukaMathewu 19:14umbusoizingane
• E, Nkosi Jehova, bheka, wena wenzile izulu nomhlaba ngamandla akho amakhulu nangengalo yakho eyeluliweyo; akukho lutho olukwahlulayo.
  UJeremiya 32:17indaloamandlausomandla
• Wabahola, baze bafika ngaseBethaniya, waphakamisa izandla zakhe, wababusisa. Kwathi esababusisa, wahlukana nabo, wenyuselwa ezulwini.
  NgokukaLuka 24:50-51UJesuisibusisoukwenyuka
• Yiyona ewakhayo amakamelo ayo aphezulu ezulwini,
  isekele igobela lawo emhlabeni;
  yiyona ewabizayo amanzi olwandle,
  iwathululele ebusweni bomhlaba;
  nguJehova igama layo.
  U-Amose 9:6indaloUNkulunkulu
• Usizo lwethu lusegameni likaJehova
  owenzile izulu nomhlaba.
  AmaHubo 124:8indaloUNkulunkulu
• Bathandekayo, manje singabantwana bakaNkulunkulu, kepha akukabonakali esiyakuba yikho. Siyazi ukuthi, nxa ebonakaliswa, siyakuba njengaye, ngokuba siyakumbona njengokuba enjalo. Bonke abanalo lelo themba kuye bayazihlambulula, njengokuba yena ehlambulukile.
  1 kaJohane 3:2-3ukuhlanzwaumndeniizingane
• Ngokuba asilethanga lutho ezweni; kusobala ukuthi singemuke nalutho futhi; kepha uma sinokudla nezambatho, asaneliswe yikho.
  1 kuThimothewu 6:7-8ukudlaukuthanda izinto ezibambekayoukwaneliseka
• Ngokuba njengamazulu ephakeme kunomhlaba,
  kanjalo izindlela zami ziphakeme kunezindlela zenu,
  nemicabango yami kunemicabango yenu.
  U-Isaya 55:9ukuhlelaukuqonda
• “Ukhona ongacasha ezindaweni ezisithekileyo
  ukuze ngingamboni na?” usho uJehova.
  “Angithi ngiyagcwalisa izulu nomhlaba na?” usho uJehova.
  UJeremiya 23:24UNkulunkulu
• SesiseHayidese saphakamisa amehlo aso, sisebuhlungwini, sambona u-Abrahama ekude, noLazaru esesifubeni sakhe. Samemeza sathi: ‘Baba Abrahama, ngihawukele, uthume uLazaru, agcobhoze isihloko somunwe wakhe emanzini, aphozise ulimi lwami, ngokuba ngiyahlushwa kuleli langabi.’
  NgokukaLuka 16:23-24isihogoukufainhlupheko
• Bathi besagqolozela ezulwini emuka, bheka, amadoda amabili ayemi kubo, embethe izingubo ezimhlophe, athi: “Madoda aseGalile, nimeleni nibheka ezulwini na? UJesu lo, osuswe kini enyuselwa ezulwini, uyakuza kanjalo, njengalokho nimbonile eya ezulwini.”
  IzEnzo 1:10-11ukwenyukaukuza kwesibiliUJesu