- WELGELUKSALIG is die opregtes van weg,
wat in die wet van die Here wandel. - Welgeluksalig is die wat sy getuienisse bewaar,
Hom van ganser harte soek. - Ek sal U loof in opregtheid van hart
as ek u regverdige verordeninge leer. - Waarmee sal die jongeling sy pad suiwer hou?
Deur dit te hou na u woord. - Ek soek U met my hele hart;
laat my nie afdwaal van u gebooie nie. - Ek het u woord in my hart gebêre,
dat ek teen U nie sal sondig nie. - Ek is vrolik in die weg van u getuienisse
soos oor allerhande rykdom. - Ek het die weg van waarheid verkies;
u verordeninge het ek voor my gestel. - Neig my hart tot u getuienisse
en nie tot winsbejag nie. - En in die ruimte wandel,
want ek soek u bevele. - Ek het my gehaas, en nie getalm nie,
om u gebooie te onderhou. - Ek sal u bevele tot in ewigheid nie vergeet nie,
want deur hulle het U my lewend gemaak. - U woord is 'n lamp vir my voet
en 'n lig vir my pad. - Ek het u getuienisse vir ewig as erfdeel ontvang,
want hulle is die vreugde van my hart. - U is my skuilplek en my skild;
op u woord wag ek. - Die opening van u woorde gee lig;
dit maak die eenvoudiges verstandig. - Maak my voetstappe vas in u woord,
en laat geen ongeregtigheid oor my heers nie. - Die hele inhoud van u woord is waarheid,
en al u regverdige verordeninge is tot in ewigheid. - Die wat u wet liefhet, het groot vrede,
en vir hulle is daar geen struikelblok nie.
Bybelvers van die dag
U, o Here, sal u barmhartighede van my nie terughou nie;laat u goedertierenheid en u trou my altyddeur behoed.