- Ke nnete, lona le ne le ntheretse bokgopo, empa Modimo o ile a bo fetola molemo, e le hore a tle a etse jwalokaha a entse kajeno, a pholose setjhaba se sengata.
- Dithaba di eso be teng,
le lefatshe, le tsohletsohle
di eso hlahe,
haesale o le Modimo
ya se nang bofelo. - Ke qetella ka ho re: Imatlafatseng ka matla a maholo a Morena.
- Molaetsa oo le ileng la o utlwa ho Mora wa hae, oo re le bolellang wona, ke ona: Modimo ke lesedi, mme ho yena lefifi ha le yo ho hang.
- Mme maleme wohle a tle a bolele hore “Jesu Kreste ke Morena,” e be tlotliso ho Modimo Ntate.
- Ya entseng hore tsee di etsahale
ke mang?
ya bitsitseng meloko
ho tloha tshimolohong
ke mang?
Ke nna Morena,
ebile ke nna wa ho qala,
ke nna Morena
ya tla ba le ba ho qetela. - Kgaotsang, le tsebe
hore nna ke Modimo,
ke tla okamela ditjhaba,
ke okamele lefatshe. - Modimo o re hlohonolofaditse,
a tshajwe ke bohle lefatsheng,
ho isa dipheletsong tsa lona. - Seo re tsebang ka sona hore re phela ka ho yena, le yena o phela ka ho rona, ke sena: o re neile Moya wa hae.
- Morena o beile leihlo la hae
ho ba mo tshabang,
bona ba tshepileng mohau wa hae. - Bophelo bona bo sa feleng ke hore ba o tsebe, o le Modimo a le mong, wa nnete, le Jesu Kreste eo o mo romileng.
- Leha barui ba ka futsaneha, ba lapa,
ba batlang Morena ba ke ke ba hloka,
ba ke ke ba hloka letho le molemo. - Borui, le bohlale,
le tsebo ya Modimo
di kaakang!
Dikahlolo tsa hae
di ka hlaloswa jwang!
Ditsela tsa hae
di ka utlwisiswa jwang! - Ya bolokang ditaelo tsa Modimo o phela ka ho Modimo, le Modimo o phela ka ho yena. Ka Moya o Halalelang oo Modimo a re neileng wona, re tseba hore Modimo o phela ka ho rona.
- Jesu a araba, a re ho bona: “Mosebetsi wa Modimo ke hore le dumele ho eo a mo romileng.”
- Le boloke melao ya ka, le e phethe. Ke nna Morena.
- Jwalokaha kgama
e labalabela metsi a melatswana,
le wona moya wa ka
o o labalabela jwalo,
o labalabela wena Modimo. - Ka sebele sa wona, Moya wa Modimo o pakelana le meya ya rona hore re bana ba Modimo.
- Empa dinthong tsena tsohle re hlola ka mokgwa o phethehileng ka ya re ratileng.
- Wena Morena,
o busa kamehla yohle,
terone ya hao
e hlomamiseditswe meloko yohle. - Jwale re tla reng ka ditaba tsee? Ha Modimo a eme le rona, ke mang ya ka re lwantshang?
- Modimo hase motho
hoo a ka buang leshano,
hase mora wa motho
hoo a ka inyatsang.
Na seo a se bolelang
a ke ke a se etsa?
Na seo a se buileng
a ke ke a se phetha? - “Na motho a ka ipata
dikgotjheletsaneng,
a ipata teng, yaba ha ke mmone?”
ho rialo Morena.
“Na ha ke fumanwe
lehodimong le lefatsheng?”
ho rialo Morena. - Rona Modimo o re senoletse tsona ka Moya wa hae, hobane Moya o Halalelang o fuputsa tsohle, esita le tse tebileng tsa Modimo.
- Baratuwa, ha e le moo Modimo a re ratile jwalo, le rona re tshwanetse ho ratana.
Dihlogotaba tša go tswalana
Lerato
Lerato le na le...
Potego
Empa Morena o a...
Go direla/hlankela
Oho, Morena, ke wena...
Maatla
O se ke wa...
Legodimo
Mohla ho hlahang taelo...
Jesu
Jesu a ba tadima...