- Matlotlo a barui
ke qhobosheane ya bona,
ba hloma e ka ke marako
a phahameng, a ba sireletsang. - Kgalefo ya Modimo
e ke ke ya fediswa,
ya fediswa ke maruo a motho,
empa ho loka
ho lopolla motho lefung. - Ke tseba hore na ho kolla ntsi hanong ke eng; ke tseba le hore na ho hafa ka nkatana ke eng. Dinthong tsohle, ka mekgwa yohle, ke ithutile ho phela ka ho kgora le ka ho lapa, ka nala le ka bohloki.
- Maruo a fumanweng ka bokgopo
ha a na thuso,
empa toka e lokolla motho lefung. - Ke thabela
ho latela ditemoso tsa hao,
ho feta maruo wohle. - Ha ho motho ya ka sebeletsang marena a mabedi, hobane o tla hloya e mong, a rate e mong; kapa o tla kgomarela e mong, a nyedise e mong. Le ke ke la sebeletsa Modimo le Leruo.
- Maruo le hlompho di tswa ho wena,
tsohle di buswa ke wena;
tsoho la hao le matla, le sefea,
ho phahamisa le ho matlafatsa bohle. - Ha motho a ena le maruo a lefatshe lena, mme a bona ngwanabo a hloka, empa a mo thatafaletsa pelo ya hae, lerato la Modimo le ka ba teng jwang pelong ya hae?
- Ntlo le maruo ke lefa
le fumanwang ho bo-ntata,
mosadi ya bohlale
ke mpho ya Morena. - Morena o a futsanehisa,
o bile o a ruisa,
o a kokobetsa,
o bile o a phahamisa. - Re le ba swabileng, empa re thabile; re le ba futsanehileng, empa re ruisa ba bangata; re le ba se nang letho, empa re ruile tsohle.
- Sejosenyane se molemo
ha se fumanwe ka toka,
ho ena le maruo
a fumanwang ka bolotsana. - Hoba Jobo a rapelle metswalle ya hae, Morena a boela a mo atlehisa. Tsohle tseo a neng a ena le tsona Morena a mmuseletsa tsona habedi.
- Ha leruo le ata,
bafepuwa ba a ata;
ebe le thusa monga lona ka eng,
haese ho nna a le boha kamehla? - Barui ba laola mafutsana;
moadimuwa o fetoha
kgoba la moadimi. - Ya kgopo o a adima,
empa ha a busetse;
ya lokileng o na le mohau, o a fana. - Peo e jetsweng meutlweng ke ya utlwang lentswe, feela dikgathatso tsa mehla ya jwale le thetso ya maruo di bipetsa lentswe, le nyope.
- Yaba Petrose o re: “Ananiase, ke ka baka lang Satane a keneng pelong ya hao hore o thetse Moya o Halalelang, mme o itshiele karolo ya tjhelete ya thekiso ya tshimo? Ha e eso rekiswe, na e ne e se ya hao na? Ha e se e rekisitswe, na tjhelete e ne e se matleng a hao na? Ke ka baka lang o ileng wa rera ka pelong ya hao ho etsa ketso ee? Ha o a thetsa batho, empa o thetsitse Modimo.”
- Bophelo ba motho
bo ka lopollwa ka maruo a hae,
mofumanehi yena
ha a ke a sokelwa ke motho. - Ngwanabo rona ya eisehang a be motlotlo ha a phahamisetswa bodumeding. Ya ruileng le yena a be motlotlo ha a eiswa ka ho ba modumedi, hobane o tla fela jwaloka palesa ya jwang.
- Le se ke la ba le medimo e meng kantle ho nna; le se ke la iketsetsa medimo ya silefera, kapa medimo ya kgauta.
Dihlogotaba tša go tswalana
Mahumo a lefase
Ha re a ka...
Sekoloto
Ya kgopo o a...
Megabaru
Ya ratang tjhelete ha...
Bohloki
Jesu a araba, a...
Go tshepega
Bana ba ka, lerato...
Boloki
Ya thahasellang ho loka...