Amavesi EBhayibheli ngesiprofetho

«»

• Vivinyani konke, nibambisise okuhle; dedani kukho konke okubonakala kukubi.
  1 kwabaseThesalonika 5:21-22ukuqondaokubi
• Ngokuba akuzange kuvezwe isiprofetho ngentando yomuntu, kepha abantu beqhutshwa nguMoya oNgcwele bakhuluma okukaNkulunkulu.
  2 kaPetru 1:21UMoyaukukhulumaUMoya Oyingcele
• Noma nginokuprofetha, ngiqonda izimfihlakalo zonke nokwazi konke, noma nginokukholwa konke ngangokuba ngingagudluza izintaba, kepha ngingenalo uthando, angiyinto yalutho.
  1 kwabaseKorinte 13:2inkolouthando
• Bathandekayo, maningakholwa yibo bonke omoya, kepha hlolani omoya ukuthi bangabakaNkulunkulu yini; ngokuba baningi abaprofethi bamanga abaphumele ezweni.
  1 kaJohane 4:1ukwethembaUMoya
• Ngokuba iNkosi uJehova ayenzi lutho,
  ingayambulanga imfihlakalo yayo ezincekwini zayo abaprofethi.
  U-Amose 3:7ukuhlelathembekile
• Buya, uthi kuHezekiya umholi wabantu bami: ‘Usho kanje uJehova uNkulunkulu kaDavide uyihlo, uthi: Ngizwile umkhuleko wakho, ngibonile izinyembezi zakho; bheka, ngiyakukuphilisa; ngosuku lwesithathu uyakwenyukela endlini kaJehova.’
  2 AmaKhosi 20:5umkhulekoukudabukaukuphulukisa
• Xwayani abaprofethi bamanga abeza kini bembathise okwezimvu, kepha ngaphakathi bayizimpisi eziphangayo.
  NgokukaMathewu 7:15ukuza kwesibiliizembatho
• Bathi ukuzwa lokho, babhapathizwa egameni leNkosi uJesu. Kwathi uPawulu esebekile izandla phezu kwabo, uMoya oNgcwele wehlela phezu kwabo; base bekhuluma ngezilimi, baprofetha.
  IzEnzo 19:5-6ukubhapathizwaUMoya Oyingcele
• Uma uthi enhliziyweni yakho: ‘Singalazi kanjani izwi uJehova angalikhulumanga na?’ yazi-ke ukuthi lokhu umprofethi akukhulumayo egameni likaJehova, bese ingenzeki leyo nto, ingaveli iyiyo leyo nto, akusiye uJehova oyikhulumile; umprofethi uyikhulumile ngokuziqhenya; ungamesabi.
  UDuteronomi 18:21-22iqinisoukukhuluma
• NingabakaNkulunkulu nina bantwanyana, nibahlulile, ngokuba lowo okini mkhulu kunaye osezweni.
  1 kaJohane 4:4insindisoukunqobausomandla
• Ngakho aniseyibo abafokazi nezihambi, kodwa senimbuso munye nabangcwele, ningabendlu kaNkulunkulu, nakhiwe phezu kwesisekelo sabaphostoli nabaprofethi, uKristu Jesu uqobo lwakhe eyitshe legumbi.
  Kwabase-Efesu 2:19-20UJesuumbusoisonto
• Ngakho-ke konke nokungakanani enifuna ukuba abantu bakwenze kini, kwenzeni nani kanjalo kubo; ngokuba lokhu kungumthetho nabaprofethi.
  NgokukaMathewu 7:12umthethoumakhelwaneubudlelwano
• Ngalokho iNkosi uqobo iyakukunika isibonakaliso: bheka, intombi iyakukhulelwa, izale indodana, ibize igama layo ngokuthi u-Imanuweli.
  U-Isaya 7:14ukhisimusiUJesuizimangaliso
• Kepha manje kubonakalisiwe ukulunga okuvela kuNkulunkulu ngaphandle komthetho, kufakazelwa ngumthetho nabaprofethi, ngisho ukulunga kukaNkulunkulu ngokukholwa nguJesu Kristu kubo bonke abakholwayo; ngokuba akukho mahluko.
  KwabaseRoma 3:21-22inkoloumthethoukulunga
• Thokoza kakhulu,
  ndodakazi yaseSiyoni;
  jabula nokujabula,
  ndodakazi yaseJerusalema;
  bheka, iNkosi yakho iza kuwe,
  ilungile, inensindiso,
  ithobekile, ikhwele imbongolo,
  ithole, inkonyane yembongolokazi.
  UZakariya 9:9iphasikaukuthobekaukulunga
• Lokhu konke kwenzeka ukuba kugcwaliseke okwakhulunywa yiNkosi ngomprofethi ukuthi: “Bheka, intombi iyakukhulelwa, izale indodana; bayakuyiqamba igama lokuthi u-Emanuweli,” okungukuthi ngokuhunyushwa “uNkulunkulu unathi”.
  NgokukaMathewu 1:22-23izimangalisoUJesuukhisimusi
• Ningathi ngize ukuchitha umthetho nabaprofethi; angizanga ukuchitha, ngize ukugcwalisa.
  NgokukaMathewu 5:17umthethoUJesu
• Futhi ngezwa izwi leNkosi lithi: “Ngiyakuthuma bani, ngubani oyakusiyela na?”
  Ngase ngithi: “Bheka, nangu mina; ngithume mina.”
  U-Isaya 6:8ukuvangelaukukhuluma
• Kepha wena Betlehema Efratha,
  omncane ukuba ube phakathi kwemindeni yakwaJuda,
  ngiyakuphunyelwa ngovela kuwe,
  ozakuba ngumbusi kwa-Israyeli,
  okuvela kwakhe kusukela endulo ezinsukwini zaphakade.
  UMika 5:2ukhisimusiUJesu
• Ngaye bonke abaprofethi bafakaza ukuthi ngegama lakhe bonke abakholwa nguye bayakwamukela ukuthethelelwa kwezono.
  IzEnzo 10:43inkolointetheleloUJesu