- Indodana ehlakaniphileyo ithokozisa uyise,
kepha indodana eyisiwula ilusizi kunina. - Ingcebo yobubi ayisizi lutho,
kepha ukulunga kophula ekufeni. - Izibusiso zisekhanda lolungileyo,
kepha umlomo wababi uyafihla ubudlwangudlwangu. - Ukukhunjulwa kolungileyo kubusisekile,
kepha igama lababi liyabola. - Ohlakaniphile ngenhliziyo uyakwamukela imiyalo,
kepha isiwula esiphoshozayo siyakuwiswa. - Ohamba ngobuqotho uhamba ngokulondeka,
kepha ohlanekezela izindlela zakhe uyakwaziwa. - Inzondo iyabanga ukuxabana,
kepha uthando luyasibekela iziphambeko zonke. - Onaka ukulaywa usendleleni yokuphila,
kepha owenqaba ukusolwa uyaduka. - Ofihla inzondo unezindebe zamanga;
ophumisa inhlebo uyisiwula. - Lapho amazwi emaningi khona,
akuphuthi ukuphambeka;
obamba umlomo wakhe uhlakaniphile. - Ulimi lolungileyo luyisiliva elikhethekileyo;
ingqondo yababi iyinto encane. - Isibusiso sikaJehova siyacebisa;
akenezeli usizi kuso. - Ithemba labalungileyo liyakuba yintokozo,
kepha abakwethembayo ababi kuyakubhubha. - Indlela kaJehova iyinqaba kopheleleyo,
kepha incithakalo ikubenzi bokona. - Izindebe zolungileyo ziyakwazi okuhle,
kepha umlomo wababi okuphambeneyo.
Izihloko ezihlobene
Ukulunga
Olandela ukulunga nomusa uyafumana...
Ukukhuluma
Ukufa nokuphila kusemandleni olimi...
Isibi
Kepha kanazi yini ukuthi...
Isibusiso
UJehova makakubusise, akulondoloze; uJehova...
Ukuqamba amanga
Izindebe zamanga ziyisinengiso kuJehova...
Injabulo
Thokozani njalo; khulekani ningaphezi...
Amavesi eBhayibheli osuku
Wozani; masikhuleke, sikhothame,siguqe phambi kukaJehova,
uMenzi wethu.