Lerato (2/5)

Le se ke la ba le molato wa letho ho motho, haese… BAROMA 13:8

SSO89

Le se ke la ba le molato wa letho ho motho, haese wa ho ratana, hobane ya ratang wa habo o phethile Molao ka ho tlala.
BAROMA 13:8 molao sekoloto
Morena a ke a eketse, mme a totise lerato la lona, hore le ratane, mme le rate batho bohle, jwalokaha le rona re le rata.
1 BATHESALONIKA 3:12 moagišane ditswalano
Bonang, Ntate o re ratile hakaakang, hore re be re bitswe bana ba Modimo, mme re fela re le bona. Ke ka lebaka lena lefatshe le sa re tsebeng, hobane ha le a ka la tseba Modimo.
1 JOHANNE 3:1 Ntate bana lefase
Ya se nang lerato ha a tsebe Modimo, kaha Modimo ke lerato.
1 JOHANNE 4:8 Modimo
Lehloyo le fehla moferefere,
athe lerato lona
le iphapanyetsa diphoso tsohle.
MAELE 10:12 pefelo mpe
Ya thahasellang ho loka le lerato
o tla fumana bophelo
le toka le tlotla.
MAELE 21:21 boloki bophelo
Ka baka la lerato la Morena,
rato le sa feleng,
ha re a ka ra ba ra timela,
mehauhelo ya hae
ha e eso ka e kgaotsa;
hoseng ho hong le ho hong
e a ntjhafala,
botshepehi ba hae
bo boholo haholo!
KOLI-EA-MALLA 3:22-23 potego kwelobohloko go ba le tumelo
Ke kgodisehile hore leha e le lefu kapa bophelo, leha e le mangeloi, leha e le meya e meng e busang kapa e matla, leha e le tse teng kapa tse tlang ho ba teng, leha e le tse hodimo kapa tse tlase, leha e le sebopuwa sefe kapa sefe, di ke ke tsa re arohanya le lerato la Modimo, leo a re bontshitseng lona ka Kreste Jesu, Morena wa rona.
BAROMA 8:38-39 mmoelanyi lehu mangeloi
Mme o rate Morena Modimo wa hao ka pelo ya hao yohle, le ka moya wa hao wohle, le ka maikutlo a hao wohle, le ka matla a hao wohle.
MAREKA 12:30 Modimo maatla
Ha le thabele bokgopo, empa le thabela nnete. Le iphapanyetsa tsohle, le dumela tsohle, le tshepa tsohle, le mamella tsohle.
1 BAKORINTHE 13:6-7 nnete mpe tšhireletšo
Le ke le ekeletswe lereko, le kgotso, le lerato.
JUDA 1:2 tšhegofatšo khutšo
Ya bobedi ke ena: ‘Rata mohaeno jwalokaha o ithata.’ Ha ho taelo e nngwe e kgolo ho feta tsena.
MAREKA 12:31 molao moagišane go inaganela o le tee
Ho se be ya ipatlelang tse molemo, empa e mong a batlele e mong tse molemo.
1 BAKORINTHE 10:24 go inaganela o le tee moagišane
Ke rata Morena,
hobane o utlwile thapedi ya ka,
a ntshekehela tsebe,
mohla ke neng ke ipiletsa ho yena.
PESALEMA 116:1-2 go direla/hlankela go theeletša
Empa ha re bolela nnete ka lerato, re tla hola ka mekgwa yohle, ho ba ba Kreste, eo e leng hlooho.
BAEFESE 4:15 nnete Jesu kereke
Leha nka bua dipuo tsa batho le tsa mangeloi, empa ke se na lerato, ke itshwanela feela le tshepe e llang kapa lekapa le etsang mangenengene.
1 BAKORINTHE 13:1 go bolela mangeloi
Empa se bewang ke Moya ke lerato, thabo, kgotso, mamello, mosa, molemo, botshepehi, bonolo le boitshwaro. Tse kang tsena, ha ho molao o ka di thibelang.
BAGALATA 5:22-23 molao Moya wa Modimo tšhegofatšo
Ya ratang wa habo ha a mo etse hampe; kahoo ho ba le lerato ke ho phetha Molao ka ho tlala.
BAROMA 13:10 molao moagišane
Modimo ha a a ka a re nea moya wa bokwala, empa o re neile moya wa matla, wa lerato le wa boitshwaro.
2 TIMOTHEA 1:7 boitshwaro maatla Moya wa Modimo
Ya ratang ho phela,
le ho bona matsatsi a thabo,
a tshware leleme la hae
ho bua tse mpe,
le molomo wa hae
ho bua thetso.
A furalle bobe, a etse botle,
a batle kgotso, a e pheelle.
1 PETROSE 3:10-11 khutšo bophelo go sekama
Empa nna ke re ho lona: Ratang dira tsa lona, le rapelle ba le hlorisang.
MATHEU 5:44 thapelo tlhomaro
Ho se be ya o nyedisang ka baka la botjha ba hao, o mpe o iketse mohlala ho badumedi ka dipolelo, ka metsamao, ka lerato, ka tumelo le ka bohlweki.
1 TIMOTHEA 4:12 tumelo bophelo
Ke mang he, ya tla re arohanya le lerato la Kreste? Na ke matshwenyeho, kapa ditlallo, kapa tlhoriso, kapa tlala, kapa tlhobolo, kapa kotsi, kapa sabole?
BAROMA 8:35 tlaišego tlhomaro bohloki
Seo lerato le leng sona ke sena: hase hore ke rona ba ratileng Modimo, empa ke yena ya re ratileng, a ba a romela Mora wa hae, hore e be nyehelo ka baka la dibe tsa rona.
1 JOHANNE 4:10 sebe Mophološi poelano
Kgalefo ya hae
ke ya motsotswana feela,
lerato la hae
ke la bophelo bohle ba motho.
Leha nka robala ka meokgo,
ha bo esa e se e le nyakallo.
PESALEMA 30:6 bopelotelele manyami