Iivesi zeBhayibhile malunga noKrisimesi

«»

• Úya kuzala unyana, ùmthiye igama elinguYesu, kuba nguye oya kubasindisa abantu bakhe ezonweni zabo.
  UMATEWU 1:21UYesuumhlawuleli
• Namhlanje, edolophini kaDavide, nizalelwe uMsindisi onguKrestu iNkosi.
  ULUKA 2:11UMsindisiuMesiya
• Makadunyiswe uThixo kweliphezulu,
  kube luxolo emhlabeni kubantu abamkholisayo.
  ULUKA 2:14uxoloiingelosiunqulo
• Andithi na kaloku thina sizalelwe umntwana;
  kaloku thina silizwe ngonyana.
  Nguye ke oya kulawula.
  Ke yena wothiywa igama kuthiwe
  nguMcebisi omangalisayo,
  uThixo oligorha,
  uSonini-nanini,
  iTshawe loxolo.
  UISAYA 9:6uMesiyaUYesuUTata
• Isithunywa ke sathi kubo: “Musani ukoyika; kaloku ndinizisele iindaba ezimnandi zovuyo olukhulu oluya kuba kubo bonke abantu.”
  ULUKA 2:10iingelosiuvuyouloyiko
• Konke oku kwênzeka ukuze lizaliseke ilizwi leNkosi elathethwa ngumshumayeli, esithi: “Niyabona, intombi le iya kumitha, izale unyana, abizwe ngokuba nguImanuweli” (oko kukuthi “uThixo unathi”).
  UMATEWU 1:22-23isiprofetoimimangalisoUYesu
• Kwaza kwathi belapho lafika ixesha lokubeleka kwakhe. Wamzala ke unyana wakhe wamazibulo, wamsongela eziqhiyeni, wamlalisa emkhumbini wesitali, kuba kwakungekho ndawo endlwini yabahambi.
  ULUKA 2:6-7UYesu
• Ngoko ke yiNkosi ngokwayo eza kukunika umqondiso! Kaloku intombi ikhulelwe, ibe ke iza kuzala unyana, imthiye igama elinguImanuweli.
  UISAYA 7:14UYesuimimangalisoisiprofeto
• Abelusi ke babuyela emihlambini yabo, becula bedumisa uThixo ngenxa yazo zonke izinto ababezivile bazifumana zinjengoko zazixeliwe.
  ULUKA 2:20unqulodumisani
• Saphendula isithunywa sathi kuye: “UMoya oyiNgcwele uya kuhlela kuwe, athi amandla kaThixo uPhezukonke akufukamele. Kungoko loo mntwana ungcwele uya kuzalwa nguwe kuya kuthiwa nguNyana kaThixo.”
  ULUKA 1:35uMoya oyiNgcweleamandlaUYesu
• UJosefu ke waphuma kwelaseGalili, kwidolophu iNazarete, waya kwelakwaJuda, kwidolophu kaDavide eyiBhetelehem, kuba wayengowomlibo kaDavide. Wayesiya kubhalisa, enoMariya owayesendela kuye. Yena wayeselekhulelwe.
  ULUKA 2:4-5
• Isithunywa ke sathi kuye: “Musa ukoyika, Mariya, kuba uThixo ukwenzela isisa. Uyabona, uza kumitha, uzale unyana, umthiye igama elinguYesu.”
  ULUKA 1:30-31UYesuuloyikoiingelosi
• Esazicinga ezi zinto, naso isithunywa seNkosi sibonakala kuye ephupheni, sisithi: “Josefu, nyana kaDavide, sukoyika ukumthatha uMariya abe ngumfazi wakho, kuba oko akukhawuleyo kungoMoya oyiNgcwele.”
  UMATEWU 1:20iingelosiuMoya oyiNgcwele
• Kwathi akuba uYesu ezelwe eBhetelehem kwaJuda, ngemihla kakumkani uHerode, kwabonakala kufika iingcali zeenkwenkwezi eJerusalem, zivela empumalanga, zisithi: “Uphi na lo kumkani wamaJuda uzelweyo? Sibone inkwenkwezi yakhe empumalanga; ke size kumnqula.”
  UMATEWU 2:1-2unqulo
• Kambe ke nawe, Bhetelehem yase-Efrata,
  udeleke unjalo kwizindlu zakwaJuda,
  kanti ke kwalapha kuwe ndiza kuvelisa
  lowo uya kuba ngumlawuli kaSirayeli,
  omveli yakhe isukela kwamandulo,
  kwimihla yasephakadeni.
  UMIKA 5:2isiprofetoUYesu
• Ukuzalwa kukaYesu Krestu kwakungolu hlobo: UMariya, unina, wayesendela kuJosefu, bengekatshati, kwabonakala ukuba uMoya oyiNgcwele wenze ukuba abe nzima.
  UMATEWU 1:18uMoya oyiNgcweleimimangaliso