Amavesi EBhayibheli ngokwethemba

«»

• “Ngokuba ngiyazi mina imicabango engiyicabanga ngani,” usho uJehova, “imicabango yokuthula kungengeyobubi ukuba ngininike isikhathi esizayo nethemba.”
  UJeremiya 29:11ukuhlelaisibusisoizethembiso
• Yini ukuba udangale,
  mphefumulo wami,
  uyaluze phakathi kwami, na?
  Methembe uNkulunkulu,
  ngokuba ngisezakumdumisa yena
  oyinsindiso yobuso bami noNkulunkulu wami.
  AmaHubo 42:11khulekelaumphefumuloindumiso
• Kepha abamethembayo uJehova
  bayathola amandla amasha,
  bayakhuphuka ngamaphiko njengezinkozi,
  bagijime bengakhathali,
  bahambe bengapheli amandla.
  U-Isaya 40:31isikhuthazoamandlaizethembiso
• UJehova uyakukulondoloza ebubini bonke;
  uyakulonda umphefumulo wakho.
  UJehova uyakulondoloza ukuphuma kwakho nokungena kwakho
  kusukela kulesi sikhathi kuze kube phakade.
  AmaHubo 121:7-8ukuphilaokubi
• UNkulunkulu wethemba makanigcwalise ngenjabulo yonke nangokuthula konke ekukholweni, ukuze nivame ethembeni ngamandla kaMoya oNgcwele.
  KwabaseRoma 15:13inkoloUMoyaUMoya Oyingcele
• Zanini kimi nina nonke enikhatheleyo nenisindwayo, mina ngizakuniphumuza.
  NgokukaMathewu 11:28isikhuthazoukuphumulaubuthakathaka
• Kepha akusikho lokho kuphela, kodwa sizibonga nangezinhlupheko ngokwazi ukuthi ukuhlupheka kuveza ukukhuthazela, ukukhuthazela kuveza ukuqiniseka, ukuqiniseka kuveza ithemba.
  KwabaseRoma 5:3-4inhluphekoinjabulo
• Kepha ukukholwa kungukuqiniseka ngezinto ezithenjwayo, kuyiqiniso ngezinto ezingabonwayo.
  KumaHeberu 11:1inkoloiqiniso
• Manje-ke kumi ukukholwa, nokwethemba, nothando, lokho kokuthathu; kepha okukhulu kulokho luthando.
  1 kwabaseKorinte 13:13inkolouthando
• Wena uyisiphephelo sami nesihlangu sami;
  ngiyethemba izwi lakho.
  AmaHubo 119:114IZwi likaNkulunkuluukuvikela
• Masibambisise isivumo sethemba lethu singaxegi, ngokuba ukholekile lowo owethembisayo.
  KumaHeberu 10:23thembekileukuvumaizethembiso
• Qinani, inhliziyo yenu ibe nesibindi,
  nina nonke enithemba uJehova.
  AmaHubo 31:24isikhuthazoinhliziyoisibindi
• Kepha mina ngiyakumbheka uJehova;
  ngiyakulindela uNkulunkulu wokusindiswa kwami;
  uNkulunkulu wami uyakungizwa.
  UMika 7:7insindisoukulalela
• Kodwa uma sithemba lokho esingakuboniyo, siyakulindela ngokubekezela.
  KwabaseRoma 8:25ukwethembaukubekezela
• Ithemba elilitshazisiweyo ligulisa inhliziyo;
  isifiso esigcwalisiweyo singumuthi wokuphila.
  IzAga 13:12ukuphilainhliziyoukugula
• UJehova uyisabelo sami,
  usho umphefumulo wami;
  ngakho ngiyakwethemba kuye.
  IsiLilo 3:24ukuthanda izinto ezibambekayoukuvuma
• Ngihambise eqinisweni lakho, ungifundise,
  ngokuba wena unguNkulunkulu wensindiso yami;
  ngilindela wena usuku lonke.
  AmaHubo 25:5iqinisoukufundainsindiso
• Ithemba alijabhisi, ngokuba uthando lukaNkulunkulu lutheliwe ezinhliziyweni zethu ngoMoya oNgcwele esimuphiweyo.
  KwabaseRoma 5:5inhliziyoUMoyauthando
• Umusa wakho, Jehova,
  mawube phezu kwethu,
  njengalokhu sithemba wena.
  AmaHubo 33:22ukwethembathembekile
• Ngiyalindela uJehova,
  umphefumulo wami uyalinda;
  ngiyalethemba izwi lakhe.
  AmaHubo 130:5IZwi likaNkulunkuluumphefumulo
• Makabongwe uNkulunkulu uYise weNkosi yethu uJesu Kristu owabuye wasizala kabusha ngokwesihawu sakhe esikhulu ukuba sibe nethemba eliphilileyo ngokuvuka kukaJesu Kristu kwabafileyo.
  1 kaPetru 1:3ukuvukaukuzalwa kabushaiphasika
• UMoya weNkosi uJehova uphezu kwami,
  ngokuba uJehova ungigcobile
  ukuba ngishumayele izindaba ezinhle
  kwabathotshisiweyo;
  ungithumele ukubopha abanhliziyo ezaphukileyo,
  nokumemezela ukukhululwa kwabathunjwa
  nokuvulelwa kweziboshwa itilongo.
  U-Isaya 61:1UMoyaumhlengiinkululeko
• Kepha mngcweliseni uKristu abe yiNkosi ezinhliziyweni zenu, nihlale ningabalungele ukubaphendula bonke abanibuza isizathu sethemba elikini.
  1 kaPetru 3:15ukuvangelaUJesu
• Munye umzimba, munye uMoya, njengalokho nabizelwa ethembeni linye lokubizwa kwenu.
  Kwabase-Efesu 4:4UMoyaubizoumzimba
• Okubona uNkulunkulu athanda ukubazisa ukuthi iyini ingcebo yenkazimulo yaleyo mfihlakalo phakathi kwabezizwe, enguKristu phakathi kwenu, ithemba lenkazimulo.
  KwabaseKolose 1:27ukuvangelaUJesu