Bybelverse oor Goedheid
- Maar wees vriendelik en vol ontferming teenoor mekaar; vergeef mekaar soos God ook in Christus julle vergewe het.
- Laat ons dan, terwyl ons geleentheid het, aan almal goed doen, maar die meeste aan die huisgenote van die geloof.
- Die Here is goed,
'n toevlug in die dag van benoudheid,
en Hy ken die wat by Hom skuil. - Laat jou nie deur die kwaad oorwin nie, maar oorwin die kwaad deur die goeie.
- Die Here is regverdig in al sy weë
en goedgunstig in al sy werke. - LAAT die liefde ongeveins wees; verafsku wat sleg is; hang die goeie aan.
- O, As ek nie geglo het
dat ek die goedheid van die Here sal sien
in die land van die lewendes nie. - Maar die vrug van die Gees is liefde, blydskap, vrede, lankmoedigheid, vriendelikheid, goedheid, getrouheid, sagmoedigheid, selfbeheersing. Teen sulke dinge is die wet nie.
- ALLES is my geoorloof, maar nie alles is nuttig nie; alles is my geoorloof, maar nie alles stig nie.
- En juis daarom ook moet julle met aanwending van alle ywer by julle geloof voeg die deug, en by die deug die kennis, en by die kennis die selfbeheersing, en by die selfbeheersing die lydsaamheid, en by die lydsaamheid die godsvrug, en by die godsvrug die broederliefde, en by die broederliefde die naasteliefde.
- En 'n mens steek ook nie 'n lamp op en sit dit onder die maatemmer nie, maar op die staander, en dit skyn vir almal wat in die huis is. Laat julle lig só skyn voor die mense, dat hulle julle goeie werke kan sien en julle Vader wat in die hemele is, verheerlik.
- En God het mag om alle genade oorvloedig oor julle te laat wees, sodat julle altyd in alle opsigte volop kan hê en oorvloedig kan wees tot elke goeie werk.
- Vertrou op die Here, en doen wat goed is;
bewoon die aarde en beoefen getrouheid. - Die kostelike besit van 'n mens is sy weldadigheid;
en liewer 'n arme as 'n leuenagtige man. - Wyk af van wat verkeerd is, en doen wat goed is;
soek die vrede en jaag dit na. - En wie is dit wat julle kwaad sal aandoen as julle navolgers is van die goeie?
- Wees dan barmhartig, soos julle Vader ook barmhartig is.
- Laat daar geen vuil woord uit julle mond uitgaan nie, maar net 'n woord wat goed is vir die nodige stigting, sodat dit genade kan gee aan die wat dit hoor.
- So spreek die Here:
Staan op die weë,
en kyk en vra na die ou paaie,
waar tog die goeie weg is, en wandel daarin;
en julle sal rus vind vir julle siel.
Maar hulle het gesê: Ons wil daarin nie wandel nie. - Dink, Here, aan u barmhartigheid en u goedertierenhede,
want dié is van ewigheid af.
Dink nie aan die sondes van my jonkheid en aan my oortredinge nie;
dink aan my na u goedertierenheid,
om u goedheid ontwil, o Here! - Moenie dwaal nie; slegte gesprekke bederf goeie sedes.
- Dan sal jy geregtigheid en reg verstaan
en regverdigheid — elke goeie pad. - Wat Homself vir ons gegee het om ons te verlos van alle ongeregtigheid en vir Homself 'n volk as sy eiendom te reinig, ywerig in goeie werke.
- SO ook moet die vroue hulle versier met behoorlike kleding, gepaard met beskeidenheid en ingetoënheid, nie met vlegsels of goud of pêrels of kosbare klere nie, maar, soos dit vroue betaam wat die godsvrug bely, met goeie werke.
- Want die vrug van die Gees bestaan in alle goedheid en geregtigheid en waarheid.
Bybelvers van die dag
Uit die dieptes roep ek U aan, o Here!Here, hoor na my stem;
laat u ore luister na
die stem van my smekinge.
Willekeurig Bybelvers
Alhoewel die vyeboom nie sal bloeien aan die wingerdstokke geen vrug sal wees nie,
die drag van die olyfboom sal teleurstel
en die saailande geen voedsel oplewer nie,
die kleinvee uit die kraal verdwyn
en geen beeste in die stalle sal wees nie —
nogtans sal ek jubel in die Here,
ek sal juig in die God van my heil.Volgende vers!Met beeld