- Ke tla o boka ka pelo e hlwekileng,
ha ke se ke ithutile
dikahlolo tsa hao tse lokileng. - Le mpe le hole mohaung le tsebong ya Jesu Kreste, Morena le Mopholosi wa rona. Ho yena e be tlotla jwale le kamehla yohle. A ho be jwalo!
- Ka letsatsi le leng le le leng ba ba mmoho ka Tempeleng ba le maikutlo a le mang, ba kena ntlo ka nngwe ba ntse ba ngwatha bohobe; ba ja dijo ka thabo le ka pelo tse tshweu. Ba rorisa Modimo, ba ratwa ke batho bohle, mme ka letsatsi le letsatsi Morena a eketsa phutheho ka ba pholoswang.
- Jwale tlotla e be ho Modimo Ntata rona kamehla le mehla. A ho be jwalo!
- Ho Kgosi ya mehla yohle, ho Modimo ya sa shweng, ya sa bonweng, ya inotshi, e be hlompho le tlotla kamehla le mehla. A ho be jwalo!
- Modimo, ako bontshe
hore o okametse mahodimo,
tlotla ya hao
e phahamele lefatshe lohle. - Mme mang le mang
ya tla rapela Morena
o tla pholoswa! - Ke a o thabela,
ke nyakallela ho wena;
ke roka lebitso la hao,
wena Ya Hodimodimo. - Lebone le lona ha le ke be le hotetswe le kwahelwe ka nkgo, empa le bewa sedulwaneng sa lona, le kgantshetse bohle ba ka tlung. Lesedi la lona le ke le kganyetse batho jwalo, ba tle ba bone mesebetsi e metle ya lona, ba be ba tlotlise Ntata lona ya mahodimong.
- Ka baka leo, amohelanang, jwalokaha Kreste le yena a le amohetse tlotlisong ya Modimo.
- Morena o tla nne a ntopolle mesebetsing yohle e kgopo, a mpholose, a nkise Mmusong wa hae wa lehodimo. Tlotla e ke e be ho yena kamehla le mehla. A ho be jwalo!
- Matshwele a neng a mo eteletse pele, le a neng a etla kamorao a howa, a re:
“Hosanna ho Mora wa Davida!
Ho bokwe
ya tlang ka lebitso la Morena!
Hosanna mahodimong
a hodimodimo!” - Mang le mang ya tla rapela Morena, o tla pholoswa.
- Qaleho ya bohlale
ke ho tshaba Morena,
bohle ba sedi ba phela jwalo.
O lokelwa ke thoriso kamehla. - Wena Modimo
wa baholoholo ba heso,
ke a o leboha, ke bile ke a o tlotla,
wena ya nneileng bohlale le matla,
wa ntshenolela
seo re se kopileng ho wena,
wa re senolela
seo kgosi e se batlang. - Tlotla e be ho Modimo
mahodimong a hodimodimo,
kgotso e be lefatsheng
ho batho ba mo kgahlang! - Yaba Jobo o a ema, o hahola seaparo sa hae, o beola hlooho ya hae, o itahlela fatshe ho rapela,
o re:
“Ke tswetswe ke mme ke le feela,
ke tla ya lebitleng
ke ntse ke le feela.
Morena o na fane,
Morena o amohile,
ho ke ho roriswe lebitso la hae.” - Ako re thuse, Modimo,
wena mopholosi wa rona,
bitso la hao le tle le tlotliswe;
ako re namolele,
mme o re tshwarele dibe
ka baka la lebitso la hao. - Badisa ba nto kgutla ba ntse ba tlotlisa Modimo, ba mo roka ka ditaba tsohle tseo ba di utlwileng, ba di boneng, jwalokaha ba boleletswe.
- Ka mokgwa o jwalo, diaparo tsa basadi e be tse lokelang. Ba ikgabise ka tshwanelo le ka boitlhompho, e seng ka ho fora moriri, kapa ka mekgabiso ya kgauta, kapa ka mabenyane a bohlokwa, kapa ka diaparo tse theko e boima. Ba ikgabise ka diketso tse lokileng, tse tshwanelang basadi ba ipolelang hore ba hlompha Modimo.
- Ha ba ntse ba phetha tshebeletso ya Morena Jesu, mme ba itima dijo, Moya o Halalelang wa re: “Nkgetheleng Baranabase le Saule bakeng sa mosebetsi oo ke ba bitseditseng wona.”
- Modimo, bontsha hore
o okametse mahodimo,
tlotla ya hao
e phahamele lefatshe lohle. - Ke tla binela Morena
ha ke ntse ke phela,
ke roke Modimo
bophelong ba ka bohle. - Binelang Morena,
hobane o entse tse tlotlehang,
tsena le di tsebise lefatshe lohle. - Hoba Jesu a tswallwe Betlelehema e Judea, mehleng ya kgosi Heroda, ha fihla Jerusalema Ba Bohlale ba tswang botjhabela, ba re: “E kae kgosi ya Bajuda e tswetsweng? Re bone naledi ya yona ha e hlaha, mme re tlilo e kgumamela.”
Dihlogotaba tša go tswalana
Tumišo
Oho, Morena, ke wena...
Go opela
Ha e le nna...
Modimo
Morena Modimo wa hao...
Thapelo
Thabang kamehla, se phetseng...
Go bolela
Leleme le ka phedisa...
Boikokobetšo
Ka boikokobetso bohle, le...
Temana ya Bibele ya lehono
Motho wa nneteo tsamaya a sireletsehile,
ya se nang nnete, yena o tla senolwa.