Amavesi EBhayibheli ngoMoya

«»

• INkosi inguye uMoya; kepha lapho uMoya weNkosi ekhona, kukhona inkululeko.
  2 kwabaseKorinte 3:17inkululekoUMoya Oyingcele
• UNkulunkulu wethemba makanigcwalise ngenjabulo yonke nangokuthula konke ekukholweni, ukuze nivame ethembeni ngamandla kaMoya oNgcwele.
  KwabaseRoma 15:13inkolongiyethembaUMoya Oyingcele
• Ukuba ngokwengcebo yenkazimulo yakhe aninike ukuqiniseka emandleni ngoMoya wakhe kumuntu ongaphakathi; uKristu ahlale ezinhliziyweni zenu ngokukholwa, ukuze nigxile, nisekelwe othandweni.
  Kwabase-Efesu 3:16-17inkolouthando
• Kepha anazi yini ukuthi umzimba wenu uyithempeli likaMoya oNgcwele okinina, enimamukele kuNkulunkulu, nokuthi anisibo abenu na? Ngokuba nathengwa ngenani elikhulu. Ngakho-ke mbongeni uNkulunkulu emzimbeni wenu.
  1 kwabaseKorinte 6:19-20khulekelaukuphilaimpilo
• Kepha izithelo zikaMoya ziluthando, nokujabula, nokuthula, nokubekezela, nobubele, nobuvi, nokukholeka, nobumnene, nokuzithiba. Akukho mthetho omelana nokunjalo.
  KwabaseGalathiya 5:22-23umthethoisibusisoubumnene
• Kwase kubonakala kubo izilimi ezahlukeneyo kungathi ezomlilo; zahlala phezu kwalowo nalowo kubo. Base begcwala bonke uMoya oNgcwele, baqala ukukhuluma ngezinye izilimi, njengalokho uMoya wabapha ukuphumisela.
  IzEnzo 2:3-4ukukhulumaipentekosteUMoya Oyingcele
• Anazi yini ukuthi niyithempeli likaNkulunkulu nokuthi uMoya kaNkulunkulu uhlala kini na?
  1 kwabaseKorinte 3:16ubungcweleUMoya Oyingceleisonto
• Ngalokho siyazi ukuthi sihlala kuye, naye kithi, ngokuba usiphile okukaMoya wakhe.
  1 kaJohane 4:13UNkulunkuluukusondela
• Ngiyakufaka umoya wami phakathi kwenu, ngenze ukuba nihambe ngezimiso zami; niyakugcina izahlulelo zami, nizenze.
  UHezekeli 36:27umthethoukulandelaUMoya Oyingcele
• Ngakho-ke uma nina eningababi nikwazi ukubapha abantwana benu izipho ezinhle, kakhulu kangakanani uYihlo osezulwini uzakubapha abacela kuye uMoya oNgcwele.
  NgokukaLuka 11:13umkhulekoumndeniisisa
• Uma siphila ngoMoya, masihambe futhi ngoMoya.
  KwabaseGalathiya 5:25ukuphilaukulandela
• UNkulunkulu unguMoya; abakhuleka kuye bafanele ukukhuleka ngomoya nangeqiniso.
  NgokukaJohane 4:24iqinisokhulekela
• Ithemba alijabhisi, ngokuba uthando lukaNkulunkulu lutheliwe ezinhliziyweni zethu ngoMoya oNgcwele esimuphiweyo.
  KwabaseRoma 5:5ngiyethembainhliziyouthando
• UMoya weNkosi uJehova uphezu kwami,
  ngokuba uJehova ungigcobile
  ukuba ngishumayele izindaba ezinhle
  kwabathotshisiweyo;
  ungithumele ukubopha abanhliziyo ezaphukileyo,
  nokumemezela ukukhululwa kwabathunjwa
  nokuvulelwa kweziboshwa itilongo.
  U-Isaya 61:1ngiyethembaumhlengiinkululeko
• Ngifundise ukwenza intando yakho,
  ngokuba wena unguNkulunkulu wami;
  umoya wakho omuhle mawungihole emhlabathini olelezekileyo.
  AmaHubo 143:10ukufundaukulalela umthethoUMoya Oyingcele
• Ngokuba uNkulunkulu akasiphanga umoya wobugwala, kepha owamandla, nowothando, nowokuzikhuza.
  2 kuThimothewu 1:7uthandoukuzithibaamandla
• Ngokunjalo noMoya uyasisiza ebuthakathakeni bethu; ngokuba asikwazi esingakucela ngokufaneleyo, kodwa uMoya uqobo usikhulumela ngokububula okungenakuphinyiselwa.
  KwabaseRoma 8:26ukukhulumaumkhulekoubuthakathaka
• Kodwa nizakwamukeliswa amandla, uMoya oNgcwele esefikile phezu kwenu, nibe ngofakazi bami eJerusalema, naseJudiya lonke, naseSamariya kuze kube sekugcineni komhlaba.
  IzEnzo 1:8ukuvangelaamandlaipentekoste
• Lokhu kuyizwi likaJehova kaZerubabele lokuthi: ‘Kungabi ngempi, kungabi ngamandla, kepha kube ngomoya wami kuphela,’ usho uJehova Sebawoti.
  UZakariya 4:6UNkulunkuluamandlaUMoya Oyingcele
• Ngokuba bonke abaholwa nguMoya kaNkulunkulu, labo bangabantwana bakaNkulunkulu.
  KwabaseRoma 8:14ukulalela umthethoizingane
• Ngokuba ngumuphi kubantu owazi okomuntu, uma kungesiye umoya womuntu okuye na? Ngokunjalo nokukaNkulunkulu akwaziwa muntu, kuphela nguMoya kaNkulunkulu.
  1 kwabaseKorinte 2:11UMoya Oyingceleimicabangoukuqonda
• Bathandekayo, maningakholwa yibo bonke omoya, kepha hlolani omoya ukuthi bangabakaNkulunkulu yini; ngokuba baningi abaprofethi bamanga abaphumele ezweni.
  1 kaJohane 4:1ukwethembaisiprofetho
• Ukuze uNkulunkulu weNkosi yethu uJesu Kristu, uYise wenkazimulo, aniphe umoya wokuhlakanipha nokwambulelwa ekumazini yena.
  Kwabase-Efesu 1:17inhlakaniphoukuqonda
• Ngokuba inyama ikhanuka okuphambene noMoya, kepha uMoya ukhanuka okuphambene nenyama; ngokuba lezi zinto ziyamelana, ukuze ningenzi lokho enikuthandayo.
  KwabaseGalathiya 5:17ukulalela umthetho
• Ngiyakuyaphi,
  ngisuke emoyeni wakho, na?
  Ngiyakubalekelaphi,
  ngimuke ebusweni bakho, na?
  Uma ngikhuphukela ezulwini,
  wena ulapho;
  uma ngendlala icansi lami endaweni yabafileyo, nangu wena.
  AmaHubo 139:7-8izuluukufaisihogo