Andinin-teny ao amin'ny Baiboly momba ny fitiavan-bola

«»

• Izay tia vola tsy hety ho voky vola; ary izay fatra-pitia harena be tsy hety ho vokin'ny fitomboan-karena; fa zava-poana koa izany.
  Mpitoriteny 5:9volafitiavan-karena
• Ary izay ta-hanan-karena dia latsaka amin'ny fakam-panahy sy ny fandrika ary ny filàna maro tsy misy antony sady mandratra, izay mandentika ny olona ao amin'ny fandringanana sy ny fahaverezana.
  1 Timoty 6:9volafitiavan-karena
• Ary hoy Izy tamin'ny olona: Mitandrema, ka miarova tena mba tsy ho azon'ny fieremana ianareo; fa ny ain'ny olona tsy miankina amin'ny habetsahan'ny zavatra ananany.
  Lioka 12:15volafitiavan-karenafahafaham-po
• Fa ny fitiavam-bola no fototry ny ratsy rehetra, koa ny sasany izay fatra-pitady izany dia efa voavily niala tamin'ny finoana ka nanindrona ny tenany tamin'ny alahelo be.
  1 Timoty 6:10volafaharatsianafaniriana
• Fa inona no soa azon'ny olona, raha mahazo izao tontolo izao aza, kanefa very ny ainy?
  Marka 8:36fitiavan-karenafiainanaizao tontolo izao
• Aza mihary harena ho anareo eto an-tany, izay misy kalalao sy harafesina manimba, sady misy mpangalatra manami-trano sy mangalatra. Fa miharia harena ho anareo any an-danitra, izay tsy misy kalalao na harafesina manimba, sady tsy misy mpangalatra manamitrano na mangalatra.
  Matio 6:19-20fitiavan-karenalanitra
• Maniry fatratra mandritra ny andro izy;
  Fa ny marina kosa manome ka tsy mba mahihitra.
  Ohabolana 21:26manomezafitiavan-karenafaniriana
• Ny harena azoazo foana dia mihena lalandava;
  Fa izay mahavatra mitsimpona no mampitombo.
  Ohabolana 13:11volaasatrosa
• Toy ny nivoahany mitanjaka avy tany an-kibon-dreniny, dia toy izay nihaviany ihany no hiverenany; ary tsy hisy na inona na inona ho entin'ny tànany ho valin'ny fisasarany.
  Mpitoriteny 5:14fitiavan-karenalanitra
• Aza manasa-tena hanan-karena,
  Aza entina amin'izany ny fahendrenao.
  Ohabolana 23:4volafandrindrana
• Tsy misy olona mahay manompo tompo roa; fa ny anankiray ho halany, ary ny anankiray ho tiany; na ny anankiray hombany, ary ny anankiray hohamavoiny. Tsy mahay manompo an'Andriamanitra sy Mamôna ianareo.
  Matio 6:24fanompoanavolatrosa
• Amporisiho ny foko ho amin'ny teni-vavolombelonao,
  Fa tsy ho amin'ny fieremana.
  Salamo 119:36lalànafofitiavan-tena
• Koa vonoy ny momba ny tenanareo izay etỳ an-tany, dia fijangajangana, fahalotoana, firehetam-po, fanirian-dratsy ary fieremana, dia fanompoan-tsampy izany.
  Kolosiana 3:5fahotanafanirianafitiavan-karena
• Moa tsy fantatrareo va fa ny olona tsy marina tsy mba handova ny fanjakan'Andriamanitra? Aza mety hofitahina ianareo: fa ny mpijangajanga sy ny mpanompo sampy sy ny mpaka vadin'olona sy ny sodomita sy ny mpangalatra sy ny mpierina sy ny mpimamo sy ny mpanaratsy ary ny mpanao an-keriny dia tsy mba handova ny fanjakan'Andriamanitra.
  1 Korintiana 6:9-10fahotanafamonjenafanjakana
• Aza mitsiriritra ny tranon'ny namanao; aza mitsiriritra ny vadin'ny namanao, na ny ankizilahiny, na ny ankizivaviny, na ny ombiny, na ny borikiny, na izay mety ho an'ny namanao akory aza.
  Eksodosy 20:17fitiavan-karenalalànamanaraka
• Fa ny fijangajangana sy ny fahalotoana rehetra, na ny fieremana, dia aza avela hotononina eo aminareo akory aza, fa tsy mahamendrika ny olona masina izany.
  Efesiana 5:3fahotanafahamasinanafiraisana ara-nofo
• Fa noho izany no andoavanareo vola hetra; fa mpanompon'Andriamanitra mitandrina izany zavatra izany indrindra ireny.
  Romana 13:6fanaovana ny marinavola