Iivesi zeBhayibhile malunga nabantwana

«»

• Waza uYesu wathi: “Bayekeni abantwana beze kum, ningabanqandi, kuba ábalawulwa nguThixo ngabanjengabo.”
  UMATEWU 19:14ubukumkaniizulu
• Le miyalelo ndikunika yona namhlanje mayilawule bonke ubomi bakho. Uze uyibethelele ekufundiseni abantwana bakho, uthethe ngayo xa usekhaya, kanti noba useluhambeni, naxa ulalayo, ngokunjalo naxa uvukayo.
  UHLAZIYO-MNQOPHISO 6:6-7umthethousapho
• Ukuba umntwana umqeqeshile ngendlela yokuziphatha,
  soze ahlukane nayo naxa selekhulile.
  IZAFOBE 22:6ubulungisausapho
• Waphendula ke esithi:
  “Ngaba umfazi angalulibala na usana lwakhe,
  ade angavakalelwa ngowakhe umntwana?
  Noba ke yena angade amlibale,
  okokwam ke mna soze ndikufulathele,
  kuba igama lakho ndilivambile,
  ndilithe tyaba esandleni sam;
  iindonga zakho zihlala zisemehlweni am.”
  UISAYA 49:15-16uthandousaphouvelwano
• Abazukulwana libhongo lookhokho,
  kanti ke igugu labantwana ngabazali.
  IZAFOBE 17:6usapho
• Kambe ke, xa sisephantsi kwayo, ingqeqesho ayivakali iluyolo, koko ibuhlungu; kodwa ke abo bayinyamezelayo baba nobomi obusulungekileyo obuyondeleleneyo.
  KUMAHEBHERE 12:11ubulungisauxoloisohlwayo
• Nina ke, bazali, abantwana musani ukubaphatha gadalala, bade babe nenzondo, koko banikeni ingqeqesho nemiyalo yobuKrestu.
  KWABASE-EFESE 6:4umthethousapho
• Njengoko ke ningabantwana bakaThixo abaziintanda, fuzani yena.
  KWABASE-EFESE 5:1ukulandela
• Akukho nto indonwabisa njengokuva ukuba abantwana bam bahlala bethe ngcembe enyanisweni.
  3 KAYOHANE 1:4uvuyoinyaniso
• Bantwana bam, zilumkeleni izithixo!
  1 KAYOHANE 5:21izithixo
• Banoyolo abo bangabaxolisi, kuba uThixo uya kuthi bangabantwana bakhe!
  UMATEWU 5:9intsikelelouxolo
• Zinikele eNkosini uYesu; uya kusindiswa wena nosapho lwakho.
  UMSEBENZI WABATHUNYWA 16:31ukholousindisousapho
• Lukholo ke olunenze nangoonyana bakaThixo ngokumanywa noYesu Krestu. Nonke nina babhaptiziweyo nimanywe noKrestu; ngoko ke nambethe uKrestu.
  KUMAGALATI 3:26-27ukholoubhaptizoimpahla
• Umntu ongaqiqiyo akayikhathalele imfundiso kayise;
  kambe ke yena ozamkelayo iziluleko unengqondo.
  IZAFOBE 15:5UTataubulumkoingqondo
• Kaloku abo bakhokelwa nguMoya kaThixo, bangoonyana bakaThixo.
  KWABASEROMA 8:14ukuthobelaUmoya
• Hayi ubukhulu bothando lukaThixo uYise kuthi! Uthando lwakhe lukhulu kangangokuba ude athi uThixo singabantwana bakhe. Kambe ke singabo ngenene. Yiyo loo nto lingasiqondi nje ihlabathi; noThixo kaloku alimazi.
  1 KAYOHANE 3:1uthandoUTataumhlaba
• Umntu ongazikhathaleleyo izizalwane zakhe, ingakumbi ezihlala naye, selelulahlile ukholo, ungcole ngaphezu kwabangakholwayo.
  1 KUTIMOTI 5:8usaphoubudlelwane
• Akwaba bebeya kusoloko benezimvo ezinje! Akwaba bebeya kuhlala bendihlonipha bayithobele imiyalelo yam, khon' ukuze balungelwe bona nezizukulwana zabo naphakade.
  UHLAZIYO-MNQOPHISO 5:29umthethoukuthobelaintsikelelo
• Kodwa bonke abâmamkeláyo, bezinikele kuye ngokupheleleyo, wabanika igunya lokuba ngabantwana bakaThixo.
  UYOHANE 1:12ukholoUTata
• UMoya ngokwakhe ungqinelana nathi ukuthi singabantwana bakaThixo.
  KWABASEROMA 8:16uThixoUmoya
• Yonke imimiselo nemiyalelo yakhe endininike yona namhlanje yithobeleni, khon' ukuze liqaqambe ikamva lenu nezizukulwana zenu. Ngaloo ndlela ke niya kuma ngonaphakade kweli lizwe aniphe lona uNdikhoyo uThixo wenu.
  UHLAZIYO-MNQOPHISO 4:40umthethoukuthobelaintsikelelo
• Kuba indalo iphela ilangazelela ukuba uThixo ade abaveze oonyana bakhe.
  KWABASEROMA 8:19indaloUTata
• UMoya enimamkeleyo akanenzi amakhoboka, wona aphakuzelayo. Kaloku namkele uMoya onenza oonyana abathi: “Tata!” kuThixo.
  KWABASEROMA 8:15uloyikoUmoyaubukhoboka
• Bahlobo bam, singabantwana bakaThixo ngoku, kodwa ke into esiya kuba yiyo ayikacaci. Siyazi kambe ukuba akufika uKrestu siya kufana naye, kuba soba simbona njengoko anjalo. Wonke umntu oneli themba kuKrestu uzenza nyulu kanye njengokuba noKrestu enyulu.
  1 KAYOHANE 3:2-3ukusulungekiswausaphoizulu
• Nani benifudula nihleli ebumnyameni. Nithe ke nakuba ngamaKrestu, nasekukhanyeni. Ngoko ke ziphatheni ngokwabantu abaqheleneyo nokukhanya.
  KWABASE-EFESE 5:8ukukhanyaubomi