1 Tesaloniana

Andin-teny ao amin'ny Baiboly malaza indrindra

MG1865

Mifalia mandrakariva. Mivavaha, ka aza mitsahatra. Misaora amin'ny zavatra rehetra; fa izany no sitrapon'Andriamanitra ao amin'i Kristy Jesosy ho anareo.
1 Tesaloniana 5:16-18 fifaliana fankasitrahana fivavahana
Koa mifananara sy mifampahatanjaha, tahaka ny ataonareo ihany.
1 Tesaloniana 5:11 fankaherezana mianatra manaraka
Tandremo mba tsy hisy hamaly ratsy olona; fa miezaha mandrakariva hitady izay tsara, na amin'ny namanareo na amin'ny olona rehetra.
1 Tesaloniana 5:15 lafatra rariny faharatsiana
Mahatoky Izay miantso anareo, sady Izy ihany no hanefa izany.
1 Tesaloniana 5:24 fiantsoana mahatoky Tenin'Andriamanitra
Fantaro ny zavatra rehetra; hazòny mafy izay tsara. Fadio ny fanao ratsy rehetra.
1 Tesaloniana 5:21-22 mahatakatra faharatsiana faminaniana
Ary ny Tompo anie hampitombo sy hampandroso anareo amin'ny fifankatiavana sy ny fitiavana ny olona rehetra, dia tahaka anay aminareo koa.
1 Tesaloniana 3:12 fitiavana manaraka fandraisana
Fa ny tenan'ny Tompo no hidina avy any an-danitra amin'ny fiantsoana sy ny feon'ny arikanjely ary ny trompetran'Andriamanitra, ka izay maty ao amin i Kristy no hitsangana aloha; ary rehefa afaka izany, dia isika izay velona ka mbola mitoetra no hakarina hiaraka aminy ho eny amin'ny rahona hitsena ny Tompo any amin'ny habakabaka; dia ho any amin'ny Tompo mandrakariva isika.
1 Tesaloniana 4:16-17 famonjena fahafatesana lanitra
Fa raha inoantsika fa efa maty Jesosy sady efa nitsangana indray, dia toy izany koa no hitondran'Andriamanitra izay efa nodi-mandry tao amin'i Jesosy hiaraka aminy.
1 Tesaloniana 4:14 finoana Jesosy fitsanganana amin'ny maty
Koa dia aza mba matory toy ny sasany isika, fa aoka hiambina ka hahonon-tena.
1 Tesaloniana 5:6 filaminana fifehezan-tena andro farany
Fa izao no sitrapon'Andriamanitra, dia ny hanamasinana anareo, hifadianareo ny fijangajangana, mba samy hahafantatra izay hahazoanareo ny fanaky ny tenanareo avy, amin'ny fahamasinana sy ny voninahitra, tsy amin'ny filàna fotsiny, tahaka ny jentilisa izay tsy mahalala an'Andriamanitra.
1 Tesaloniana 4:3-5 fahamasinana firaisana ara-nofo vatana