ISITYHILELO

Iindinyana zeBhayibhile Ezidumileyo

XHO96

“Ndim isiqalo nesiphelo,” itsho iNkosi uThixo, uSomandla, uNdikhoyo, owayekho, lowo uya kusoloko ekho.
ISITYHILELO 1:8 ubomi obungunaphakade ukuthembeka uThixo
Abo ndibathandayo ndiyabakhalimela ndibohlwaye. Ngoko ke zimisele, uguquke.
ISITYHILELO 3:19 uthando ubomi isohlwayo
Ewe, ndiyeza kamsinya! Ulowo nalowo ndiya kumphathela ibhaso ngokwemisebenzi yakhe!
ISITYHILELO 22:12 ukuza kwesibini ukuphela kwexesha UYesu
Ke kaloku ndaziva izidalwa nayo yonke indalo, ezulwini nasemhlabeni, phantsi komhlaba naselwandle, zidanduluka zisithi:
“Kulowo uhleli esihlalweni sokulawula, nakulo iXhwane,
mayibekho indumiso nesithozela, ubungangamsha namandla,
ngonaphakade kanaphakade!”
ISITYHILELO 5:13 indalo unqulo umbulelo
Uyabona, ndimi emnyango ndinkqonkqoza. Ukuba umntu uyeva aze avule, ndiya kungena ndihlale naye, sitye kunye.
ISITYHILELO 3:20 ukuthobela ukutya ukuphulaphula
Lo unika obu bungqina uthi: “Nanjani na ndiza kufika ngokukhawuleza!”
Makube njalo! Yiza, Nkosi Yesu!
ISITYHILELO 22:20 UYesu ukuza kwesibini ukuphela kwexesha
Ndiyeza kwakamsinya. Yilondoloze imbo yakho. Lumka hleze ixhwilwe imbasa yakho.
ISITYHILELO 3:11 ukuza kwesibini ibuyiselo umonde
Ubabalo lweNkosi uYesu maluhlale kuni nonke.
ISITYHILELO 22:21 ubabalo UYesu intsikelelo
Ndive ilizwi elikhulu, livela ngasesihlalweni sokulawula, lisithi: “Uyasibona esi sixeko? Kulapho uThixo ahlala khona nabantu. Uya kuhlala phakathi kwabo, babe yimilowo yakhe, yena abe nguThixo wabo. UThixo ngenkqu uya kuhlala nabo. Uya kubosula zonke iinyembezi. Akusayi kubuye kubekho kufa, nalusizi, nasikhalo, nazintlungu. Kaloku lidlule ilizwe lokuqala.”
ISITYHILELO 21:3-4 uThixo usizi ukukhathazeka
Lowo woyisileyo wovatha ezimhlophe. Andisoze ndilicime igama lakhe kuludwe lwamagama abo baphilayo. Kaloku ndiya kumvuma ukuba ungowam phambi kukaBawo nezithunywa zakhe.
ISITYHILELO 3:5 ukoyisa izithembiso izulu